سندھ ہاؤس حملہ کیس، پی ٹی آئی کے مستعفی ارکان قومی اسمبلی فہیم خان اور عطا اللہ گرفتار

اسلام آباد:سندھ ہاؤس حملہ کیس میں پی ٹی آئی کے مستعفی ارکان قومی اسمبلی فہیم خان اور عطا اللہ کواسلام آباد ہائیکورٹ سے ضمانت خارج ہونے پر گرفتارکرلیاگیا۔

سندھ ہاؤس حملہ کیس ، پی ٹی آئی کے مستعفی ارکان قومی اسمبلی فہیم خان اور عطا اللہ کواسلام آباد ہائیکورٹ سے ضمانت خارج ہونے پر گرفتارکرلیاگیا۔
ہتھکڑی کیا پھانسی بھی لگا دیں عمران خان کا ساتھ نہیں چھوڑیں گے۔ گرفتار اراکین pic.twitter.com/QQLPmZw77o

— Arshad Chaudhry (@arshdchaudhary) April 26, 2022

واضح رہے کہ سابق وزیراعظم عمران خان کیخلاف تحریک عدم اعتماد سے قبل پی ٹی آئی کے منحرف ارکان قومی اسمبلی کی موجودگی پرتحریک انصاف کے کارکنوں نے اسلام آباد میں سندھ ہاؤس پر دھاوا بول دیا تھا جس پرپولیس نے تحریک انصاف کے دو ارکان قومی اسمبلی فہیم خان اور عطاءاللہ نیازی سمیت 12افراد کو گرفتار کاجنہیں بعد ازاں شخصی ضمانت پر رہا کر دیا گیا تھا۔

مزید پڑھیں:تصادم کی سیاست

یاد رہے کہ سندھ ہاؤس پر حملے کی وجہ سے منحرف ارکان کی موجودگی کو قرار دیا گیا ، سندھ ہاؤس گزشتہ کئی روز سے خبروں کی زینت بنا ہوا تھا کیونکہ حکومت نے دعویٰ کیا تھا کہاپوزیشن نے پی ٹی آئی کے ارکان قومی اسمبلی کو مبینہ طور پر اغواء کرکے سندھ ہاؤس میں رکھا ہوا ہے اور سندھ ہاؤس پر آپریشن کی اطلاعات بھی موصول ہورہی تھیں تاہم اس سے پہلے ہی تحریک انصاف کے منحرف ارکان منظر عام پر آئے اور اپنی مرضی سے حکومت کیخلاف ووٹ دینے کا اعلان کیا تھا۔