پنجاب: میٹرک اور انٹرمیڈیٹ سالانہ امتحانات کا ترمیم شدہ شیڈول جاری

لاہور: پنجاب بورڈ کمیٹی آف چیئرمینز نے میٹرک اور انٹرمیڈیٹ کے امتحانات کا ترمیم شدہ شیڈول جاری کر دیا ہے۔ شیڈول کے مطابق میٹرک کے امتحانات 25 مئی جبکہ انٹرمیڈیٹ کے سالانہ امتحانات مورجہ 3 جولائی سے شروع ہوں گے۔

تفصیلات کے مطابق پنجاب بورڈ کمیٹی آف چیرمینز کا اجلاس 9 اپریل کو منعقد ہوا۔ اجلاس میں صوبہ بھر کے تعلیمی بورڈز سے مشاورت کے بعد میٹرک اور انٹرمیڈیٹ امتحانات کا نیا شیڈول جاری کردیاہے۔

پنجاب بورڈ کمیٹی آف چیئرمینز کی جانب سے جاری ہونے والے شیڈول کے مطابق میٹرک کے امتحانات 25 مئی سے لیے جائیں گے جبکہ انٹرمیڈیٹ کے امتحانات 3 جولائی سے شروع ہوں گے۔

شیڈول کے مطابق میٹرک امتحانات کے نتائج 21 ستمبر اور انٹرمیڈیٹ کا نتیجہ 20 اکتوبر کو جاری ہوگا۔ دونوں جماعتوں کے امتحانات 28 ، 28 روز میں مکمل کیے جائیں گے۔

دوسری جانب کورونا کے بڑھتے ہوئے پھیلاؤ کے باعث پنجاب کے سرکاری اسکولوں کے پہلی سے 8ویں جماعت کے سالانہ امتحانات کو ملتوی کردیا گیا ہے۔