رندھیر کپور نے غلطی سے کرینہ کے دوسرے بیٹے کی پہلی تصویر اپ لوڈ کردی

کرینہ کپور خان کے والد رندھیر کپور نے انسٹاگرام پر کرینہ کے چھوٹے بیٹے کی تصاویر اپ لوڈ کردی، غلطی کا احساس ہوتے ہی نواسے کی تصویر ڈیلیٹ کردی۔

41 سالہ کرینہ کپور نے فروری میں اپنے دوسرے بیٹے کو جنم دیاتھا، اس سے قبل 2020 میں انہوں نے اگست میں اپنے انسٹاگرام کے ذریعے حاملہ ہونے کا اعلان کیا تھا۔

کرینہ کپور کے مداح فروری میں پیدا ہونے والے بچے کے بارے میں تازہ ترین خبروں کے لئے ہمیشہ بے چین رہتے ہیں اوررندھیر کپور کی پوسٹ پر ایک مداح نے فوری اسکرین شاٹ لے لیا اور سوشل میڈیا پر شیئر کردیا۔

مزید پڑھیں:کرینہ اورسیف اپنے دوسرے بیٹے کانام فیض علی خان رکھیں گے؟سوشل میڈیا پر بحث جاری

سیف علی خان اور کرینہ کپور اپنے چار سالہ بیٹے تیمور علی خان اور چھوٹے بیٹے کے ساتھ ممبئی میں قیام پذیر ہیں اور حمل کے دوران کرینہ کپور نے فلم لال سنگھ چڈھا کی شوٹ میں حصہ لیا اور مختلف برانڈز کی نمائندگی کرنے کے لئے بھی شوٹنگ کرتی نظر آئیں۔