گوگل نیوز پر ہمیں فالو کریںشارجہ میں کھیلے گئے سہ فریقی سیریز کے پہلے میچ کے بعد پاکستانی کرکٹ ٹیم نے افغان کپتان راشد خان سے ملاقات کی اور ان کے بڑے بھائی کے انتقال پر گہرے دکھ اور افسوس کا اظہار کیا۔
قومی کھلاڑیوں نے راشد خان سے تعزیت کرتے ہوئے مرحوم کے لیے فاتحہ خوانی بھی کی۔ یاد رہے کہ راشد خان کے بڑے بھائی حاجی عبدالحلیم شنواری گزشتہ ہفتے انتقال کر گئے تھے۔
Pakistan team meets Rashid Khan to offer condolences on the passing of his brother.#PAKvAFG pic.twitter.com/zh95IrzbUu
— Pakistan Cricket (@TheRealPCB) August 30, 2025
راشد خان کے اہل خانہ اور ساتھی کھلاڑیوں نے سوشل میڈیا پر غم کا اظہار کیا۔ افغانستان ٹیم کے بیٹر ابراہیم زدران نے سوشل میڈیا پلیٹ فارم ایکس (سابقہ ٹوئٹر) پر لکھا کہ بڑے بھائی کا رتبہ باپ جیسا ہوتا ہے، راشد بھائی کے انتقال کی خبر سن کر دل دکھا۔ اللہ مغفرت فرمائے، راشد خان اور ان کے خاندان سے دلی تعزیت کرتے ہیں۔
واضح رہے کہ میچ میں پاکستان نے افغانستان کو 39 رنز سے شکست دی تھی تاہم کھیل کے بعد راشد خان کے ذاتی نقصان کو مدنظر رکھتے ہوئے کھلاڑیوں نے ان کے ساتھ یکجہتی کا مظاہرہ کیا۔
