گوگل نیوز پر ہمیں فالو کریںراولپنڈی پولیس نے تعلیمی اداروں میں آئس سپلائی کرنے والی لیڈی اسمگلر سمیت 10 ملزمان کو گرفتار کر لیا ہے۔
تفصیلات کے مطابق راولپنڈی پولیس نے تعلیمی اداروں میں آئس سپلائی کرنے والی خاتون اسمگلر سمیت 10 ملزمان کو گرفتار کیا جن کے قبضے سے 1 کلو سے زائد آئس برآمد ہوئی ہے۔
پولیس کا کہنا ہے کہ ملزمان کے قبضے سے 13 کلو سے زائد چرس بھی برآمد کی گئی۔ منشیات کے ناسور کے خاتمے کیلئے منشیات فروشوں کے خلاف کریک ڈاؤن جاری رہے گا۔
راولپنڈی پولیس کی منشیات فروشوں کے خلاف کاروائیاں جاری، تعلیمی اداروں میں آئس سپلائی کرنے والی لیڈی سمگلر سمیت10 ملزمان گرفتار، گرفتار ملزمان سے 01 کلو سے زائد آئس اور ساڑھے 13 کلوسے زائد چرس برآمد، منشیات کے ناسور کے خاتمہ کے لیے منشیات فروشوں کے خٖلاف کریک ڈاؤن جاری رہے گا، pic.twitter.com/tqdu6o2L7O
— Rawalpindi Police (@RwpPolice) October 26, 2023
دریں اثناء راولپنڈی کی ائیرپورٹ پولیس نے کارروائی کرتے ہوئے دو رکنی موٹر سائیکل چور گینگ کو گرفتار کر لیا اورملزمان سے چوری شدہ 5 موٹر سائیکلز برآمد کر لیں۔
حکام کا کہنا ہے کہ گرفتار ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی۔ موٹر سائیکل چوری کی روک تھام کیلئے مؤثر اقدامات کیے جارہے ہیں۔
کراچی میں غیر ملکی اسکول کی ڈانس پارٹی پر چھاپہ، 10 ملزمان گرفتار
قبل ازیں ٹیکسلا پولیس نے کارروائی کرتے ہوئے موٹر سائیکل چوری اور چوری کی دیگر وارداتوں میں ملوث گینگ کے سرغنہ کو 2 ساتھیوں سمیت گرفتار کر لیا۔
گرفتار ملزمان کے قبضے سے چوری شدہ 3 موٹر سائیکل، رکشہ، موبائل فون، 2 بیٹریاں اور 9ہزار 500روپے کی نقد رقم برآمد کی گئی۔ حکام کا کہنا ہے کہ گرفتار ملزمان کو سزا دلوائی جائے گی۔
