گوگل نیوز پر ہمیں فالو کریںبھارت سے تعلق رکھنے والی سابق بین الاقوامی ٹینس اسٹار اور پاکستان کرکٹ ٹیم کے سابق کپتان شعیب ملک کی سابق اہلیہ ثانیہ مرزا اس سال فریضہ حج ادا کریں گی۔
ثانیہ مرزا نے اس حوالے سے سوشل میڈیا ایپ انسٹا گرام پر ایک پوسٹ شیئر کی اور اپنے چاہنے والوں کو سفر حج پر روانگی کی اطلاع دی۔
سابق ٹینس اسٹار نے اپنے دوستوں اور چاہنے والوں کو مخاطب کرتے ہوئے لکھا کہ ‘اللہ نے مجھے فریضہ حج کی ادائیگی سے نوازا ہے اور میں زندگی بدل دینے والے اس تجربے کیلئے تیاریاں کررہی ہوں’۔
اس کے ساتھ ہی انہوں نے سب سے معافی مانگتے ہوئے لکھا کہ ‘اللہ میری عبادات کو قبول فرمائے اور اس بابرکت راستے پر میری رہنمائی فرمائے، آپ سب مجھے اپنی دعاؤں میں یاد رکھیں’۔
ثانیہ مرزا نے اپنی پوسٹ کے آخر میں لکھا کہ انہیں توقع ہے کہ وہ حج سے ایک بہتر انسان بن کر واپس آئیں گی۔
