سارہ علی خان کا پاکستانی ڈیزائنر کے جوڑے میں فوٹو شوٹ وائرل

بالی ووڈ اداکارہ سارہ علی خان نے پاکستانی ڈیزائنر محسن نوید رانجھا کے ڈیزائن کیے ہوئے جوڑے میں فوٹو شوٹ کروایا ہے۔

غیر ملکی خبررساں ادارے کے مطابق اداکارہ سارہ علی خان نے مشہور پاکستانی ڈیزائنر محسن نوید رانجھا کے ڈیزائن کیے ہوئے جوڑے میں ایک برطانوی میگزین کے لیے فوٹو شوٹ کروایا ہے۔

سوشل میڈیا پر وائرل ہوتی تصاویر میں سارہ علی خان کو محسن نوید رانجھا کے ڈیزائن کردہ خوبصورت گولڈن لباس میں دیکھا جاسکتا ہے۔

یاد رہے کہ کچھ عرصہ پہلے سارہ علی خان کی محسن نوید رانجھا کے ساتھ لندن میں ہونے والی ملاقات کی تصاویر سوشل میڈیا پر وائرل ہوئی تھیں۔

یہ تصاویر سامنے آتے ہی مداحوں نے دونوں معروف شخصیات کے درمیان مستقبل میں شراکت داری ہونے کے امکانات کے بارے میں سرگوشیاں کرنا شروع کردی تھیں۔