گوگل نیوز پر ہمیں فالو کریںپاکستانی ٹی وی انڈسٹری کی مشہورومعروف سینئر اداکارہ شگفتہ اعجاز کی والدہ علالت کے باعث انتقال کر گئی ہیں۔
تفصیلات کے مطابق سماجی رابطے اور فوٹو شیئرنگ پلیٹ فارم انسٹا گرام پر اپنے پیغام میں اداکارہ شگفتہ اعجاز نے اپنی والدہ کی تصویر شیئر کی اور مداحوں کو بتایا کہ ان کا انتقال ہوگیا ہے۔
اداکارہ شگفتہ اعجاز کے مطابق ان کی والدہ نے مشکل حالات کا بہادری سے مقابلہ کیا۔ شگفتہ اعجاز نے اپنی والدہ کے انتقال کی خبر رات گئے دی جس پر مداحوں نے بے حد افسوس کا اظہار کیا ہے۔
شگفتہ اعجاز نے کہا کہ میری روح بھی میری والدہ کے ہمراہ پرواز کر گئی ہے۔ اداکارہ شگفتہ اعجاز کی انسٹا گرام پوسٹس کے ذریعے پتہ چلتا ہے کہ ان کی والدہ گزشتہ ماہ سے بیمار تھیں۔شگفتہ اعجاز کو پی ٹی وی کی صفِ اول کی اداکاراؤں میں شمار کیا جاتا ہے۔
View this post on Instagram
گزشتہ ماہ اداکارہ شگفتہ اعجاز نے ہسپتال میں بیمار والدہ کی عیادت کرتے ہوئے اپنی ایک تصویر شیئر کی جس کے ساتھ انسٹا گرام پوسٹ پر ماں راضی تو رب راضی کے الفاظ تحریر کیے گئے۔
View this post on Instagram
والدہ کے انتقال کی خبر شیئر کرنے کے بعد سوشل میڈیا صارفین نے اداکارہ شگفتہ اعجاز سے تعزیت کا اظہار کرنا شروع کردیا۔ اداکارہ صبا فیصل نے بھی شگفتہ اعجاز کی والدہ کیلئے مغفرت کی دُعا کی۔
یہ بھی پڑھیں: سلمان خان نے فلموں کی کمائی میں سب فنکاروں کو پیچھے چھوڑ دیا
