شہبازگِل کی اڈیالہ جیل میں طبیعت بگڑگئی،جیل سپریڈنٹ کی تردید

راولپنڈی: پی ٹی آئی کے رہنماء شہباز گِل کی اڈیالہ جیل میں ناساز ہوگئی، جس کے باعث ڈاکٹروں کی ٹیم کو طلب کرلیا گیا۔

جیل ذرائع کا اس حوالے سے کہنا ہے کہ پی ٹی آئی رہنماء کو سینے میں درد اور سانس کی تکلیف بتائی جا رہی ہے۔پمز اسپتال کی میڈیکل ٹیم اڈیالہ جیل پہنچ گئی ہے، شہباز گل کا مکمل طبی معائنہ کیا جائیگا۔

پی ٹی آئی رہنماء شہباز گل کو جیل اسپتال منتقل کیا جا رہا ہے۔ گزشتہ روز اسلام آباد کی عدالت نے شہباز گل کی ضمانت کی درخواست مسترد کردی تھی۔

مزید پڑھیں:شہباز گِل اور حلیم عادل کو تشدد کا نشانہ بنایا جا رہا ہے،علی زیدی

دوسری جانب چوہدری اعجاز اصغر سپریڈنٹ اڈیالہ جیل نے شہباز گل کی طبیعت ناساز ہونے کی خبروں کی تردید کی ہے، اُن کے مطابق شہباز گل مکمل طور پر صحت مند ہیں۔

چوہدری اعجاز اصغر سپریڈنٹ اڈیالہ جیل کا کہنا ہے کہ شہباز گل کو دیکھنے کے لیے پمز اسپتال سے ڈاکٹرز کی ٹیم نہیں آئی،شہباز گل کی پمز منتقلی کا فیصلہ نہیں کیا۔

واضح رہے کہ شہبازگل کو 9 اگست کو حراست میں لیا گیا تھا، ان پر بغاوت پر اکسانیکا الزام ہے، ان کے خلاف تھانہ کوہسار پولیس نے سٹی مجسٹریٹ کی مدعیت میں ایف آئی آر درج کی ہے۔