چین کے دورے کیلئے وزیر خارجہ کی جگہ سیکریٹری کو بھیجا گیا، شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ چین کے دورے کیلئے وزیرِ خارجہ بلاول بھٹو کی جگہ سیکریٹری کو بھیجا گیا ہے۔ بلی تھیلے سے باہر آگئی۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ سیکریٹری خارجہ کا دورۂ چین بہت اہم ہے۔ جانا وزیر خارجہ بلاول بھٹو زرداری کو چاہئے تھا۔

یہ بھی پڑھیں:

متحدہ  کا 39واں یومِ تاسیس، آج کراچی میں جلسہ ہوگا

ٹوئٹر پیغام میں سابق وزیرِ داخلہ شیخ رشید احمد نے کہا کہ بلی تھیلے سے باہر آگئی ہے۔ رجیم چینج آپریشن کا پردہ چاک ہونے جارہا ہے۔ دیوالیہ ریاست کو اور کیا کہتے ہیں؟ سیاست داؤ پر لگا دی گئی۔

پیغام میں عوامی لیگ کے سربراہ نے کہا کہ ریاست کا پہلا اصول عوام ہوتے ہیں اور عوام کو حکومت نے تباہ و برباد کردیا ہے۔ عوام قومی سلامتی پر کوئی سمجھوتہ نہیں کرے گی۔

سیکرٹری خارجہ کادورہ چین بہت اہم ہے،جاناوزیرخارجہ کوچاہیےتھا۔بلی تھیلےسےباہرآگئی ہےرجیم چینج آپریشن کاپردہ چاک ہونےجا رہاہے۔دیوالیہ ریاست کوکیااور کہتےہیں سیاست داؤپرلگادی ہے۔ریاست کاپہلا اصول عوام ہےاورعوام کوحکومت نےتباہ و بربادکردیاہے۔عوام قومی سلامتی پرکوئی سمجھوتہ نہیں کرےگی

— Sheikh Rashid Ahmed (@ShkhRasheed) March 18, 2023

ایک اور ٹوئٹر پیغام میں سابق وزیرِ داخلہ نے کہا کہ 6 ارب ڈالر کی یقین دہانی نہیں مل رہی۔ یہ آئی ایم ایف سے خاک معاہدہ کریں گے؟ مہنگائی 50 فیصد بڑھا دی۔ اسحاق ڈار کی حساس تقریر کو قوم کے سامنے رکھا جائے۔

سابق وزیر داخلہ شیخ رشید نے کہا کہ ہم بھوکے مر جائیں گے، قومی اثاثوں پر سمجھوتہ نہیں کریں گے۔ ان کے ریلیف دینے کا نام عوام کو تکلیف دینا ہے۔ آپ 7سمندر پار خیرات کیلئے جارہے ہیں اور تبدیلی آپ کے پڑوس میں آگئی ہے۔

6ارب ڈالرکی یقین دہانی نہیں مل رہی،یہIMFسےخاک معاہدہ کرینگے۔50فیصد مہنگائی بڑھادی ہےاسحاق ڈارکی حساس تقریرکوقوم کےسامنےرکھاجائےبھوکےمرجائیں گےقومی اثاثوں پرسمجھوتہ نہیں کریں گےانکےریلیف دینےکانام عوام کوتکلیف دیناہےآپ سات سمندرپارخیرات کےلیےجارہےہیں اورتبدیلی آپکےپڑوس میں آگئی ہے

— Sheikh Rashid Ahmed (@ShkhRasheed) March 18, 2023