کراچی، پورٹ قاسم کے نزدیک ڈیزل بردار جہاز ریت میں دھنسنے کا دعویٰ

پاکستانی میڈیا نے دعویٰ کیا ہے کہ شہرِ قائد میں پورٹ قاسم کے نزدیک ڈیزل بردار بحری جہاز ریت میں دھنس گیا ہے۔

تفصیلات کے مطابق  ہائی پروسپیرٹی نامی بحری جہاز بنڈل جزیرے کے قریب مبینہ طور پر صبح 7 بج کر 30 منٹ پر ریت میں دھنسا جسے نکالنے کیلئے آپریشن شروع کیا گیا۔

یہ بھی پڑھیں:

ملکی تاریخ کے سب سے بڑے محل نما بحری جہاز کو توڑنے کا فیصلہ

بحری جہاز کو نکالنے کیلئے کوششیں کی گئیں۔ جہاز کے دھنس جانے کے باعث برتھنگ متاثر ہوئی۔جہاز پھنسنے کی وجوہات معلوم نہیں ہوسکیں، تاہم جہاز دھنسنے کی تصدیق نہیں ہوسکی۔

میڈیا کا کہنا تھا کہ ہائی پروسپیرٹی جہاز کو جلد ریت سے نکال لیا جائے گا جس کیلئے کارروائی شروع کی جاچکی ہے۔ جہاز نکالنے کا آپریشن کامیابی سے ہمکنار ہوگا۔ 

خیال رہے کہ اس سے قبل کراچی آنے والے ملکی تاریخ کے سب سے بڑے محل نما بحری جہاز کو توڑنے کا فیصلہ کر لیا گیا، حکام کا کہنا تھا کہ جہاز کو تفریحی مقاصد کیلئے استعمال نہیں کیا جاسکے گا۔

بعد ازاں  1400 کمروں پر مشتمل 14منزلہ کروز شپ ملک کی سب سے بری بندرگاہ کے قریب بھی لنگر انداز نہیں ہوسکتا جس کی وجہ جگہ کا مختص نہ ہونا تھا۔