گوگل نیوز پر ہمیں فالو کریںمظلوم فلسطینیوں پر اسرائیل کے فضائی حملوں پر شوبز ستاروں نے خاموشی توڑتے ہوئے اہلِ فلسطین کے حق میں بیانات جاری کردئیے ہیں۔
تفصیلات کے مطابق بین الاقوامی سطح پر مسئلۂ فلسطین پر وقت گزرنے کے ساتھ ساتھ شعور اجاگر ہوا، مارک رفالو، بیلا حدید اور دعا لیپا سمیت متعدد ستاروں نے اسرائیل کے مظالم پر تشویش کا اظہار کیا ہے۔
اسرائیل اور فلسطین کے مابین بڑھتے ہوئے تشدد پر تشویش کا اظہار کرتے ہوئے بالی ووڈ اداکارہ سوارا بھاسکر نے اسرائیل کو ایک نسل پرست اور دہشت گرد ریاست قرار دے دیا۔
Israel is an apartheid state.
Israel is a terrorist state.
Nuff said. #AlAqsa #FreePalestine— Swara Bhasker (@ReallySwara) May 10, 2021
سوارا بھاسکر نے کہا کہ فلسطین کا مسئلہ اور فلسطینیوں کیلئے انصاف کا مطالبہ کوئی اسلامی مقصد نہیں بلکہ یہ نسل پرستی، غلامی اور مادہ پرستی کے خلاف ہے جس کی وجہ سے غیر مسلموں کو بھی فلسطینیوں کا ساتھ دینا چاہئے۔
The cause of #Palestine and justice for Palestinians isn’t an Islamic cause.. at least it shouldn’t solely be that.. it is first & foremost an anti imperialist, anti colonial & anti apartheid cause.. & that’s why it should concern us all, even non-Muslims.#FreePalestine #AlAqsa
— Swara Bhasker (@ReallySwara) May 10, 2021
معروف اداکار مارک رفالو نے کہا کہ یروشلم میں 1500 فلسطینیوں کو جبری بے دخلی کا سامنا ہے جبکہ 200 افراد کو زخمی اور 9 بچوں کو قتل کردیا گیا۔
مارک رفالو نے کہا کہ جنوبی افریقہ پر پابندیوں سے سیاہ فام آزاد ہوئے تھے، وقت آگیا ہے کہ اسرائیل پر بھی پابندی لگادی جائے تاکہ فلسطینیوں کو آزادی مل سکے۔ ہمارا ساتھ دیجئے۔
1500 Palestinians face expulsion in #Jerusalem. 200 protesters have been injured. 9 children have been killed. Sanctions on South Africa helped free its black people – it’s time for sanctions on Israel to free Palestinians. Join the call. #SheikhJarrah https://t.co/f9R6LYljez
— Mark Ruffalo (@MarkRuffalo) May 11, 2021
برطانوی گلوکارہ دعا لیپا نے امریکی سینیٹر برنی سینڈرز کا ایک بیان شیئر کرتے ہوئے اسرائیلی مظالم کے خلاف فلسطینیوں کے حق میں آواز بلند کی۔ برنی سینڈرز نے کہا کہ اسرائیل کے مظالم پر امریکا کو آواز بلند کرنا ہوگی۔
ٹی وی میزبان ٹریور نوح نے کہا کہ میں ایک دیانتدارانہ سوال کرنا چاہتا ہوں کہ اگر آپ کسی ایسی جنگ کا حصہ ہوں جس میں مخالفین آپ کو مار نہ سکیں تو جب وہ آپ کو مارنا چاہیں، آپ کا ردِ عمل کیسا ہوگا؟
Israel and Palestine. Let’s talk about it. pic.twitter.com/prv6Z7TnoL
— The Daily Show (@TheDailyShow) May 12, 2021
یروشلم میں جاری قتل و غارت کے حوالے سے معروف ماڈل بیلا حدید نے کہا کہ آنے والی نسلیں حیران ہوں گی کہ ہم نے فلسطینیوں پر کتنے لمبے عرصے تک ظلم و ستم ہونے دیا۔ سیاستدان بھی اس واقعے پر نپے تلے الفاظ استعمال کرتے ہیں۔
View this post on Instagram
بیلا حدید کی بہن اور معروف ماڈل گگی حدید بھی اسرائیل کے مظالم پر خاموش نہ رہ سکیں۔ انہوں نے کہا کہ یہ نہیں ہونا چاہئے کہ آپ دیگر مظالم اور ناانصافیوں پر تو آواز اٹھائیں لیکن فلسطینیوں کو نظر انداز کریں۔آپ یہ انتخاب نہیں کرسکتے کہ کس کے حقوق زیادہ اہم ہیں۔
View this post on Instagram
یہ بھی پڑھیں: فلسطینیوں پر اسرائیل کا ظلم و ستم سالہا سال سے جاری ہے۔بیلا کا اعتراف
