محکمہ داخلہ سندھ نے کورونا ایس او پیز سے متعلق پابندیوں کا نیا حکم نامہ جاری کردیا

کراچی:کورونا ایس او پیز سے متعلق پابندیوں کے حوالے سے محکمہ داخلہ سندھ نے نیاحکم نامہ جاری کردیا۔

تفصیلات کے مطابق کورونا ایس اوپیز کے تحت محکمہ داخلہ نے 9 سے 16 مئی تک نئی پابندیاں عائد کردی ہیں، جس کا نوٹیفکیشن بھی جاری کردیا گیا ہے۔

محکمہ داخلہ سندھ کی جانب سے جاری کئے گئے نوٹیفکیشن کے مطابق تمام سیاحتی تفریحی مقامات عید کی تعطیلات میں بند رہیں گے۔

 تا 16 مئی شہریوں کی نقل وحرکت محدود رہے گی اور صوبے میں تمام کاروبار، مارکیٹیں 9 تا 16مئی مکمل طور پر بند رہیں گی،تاہم بنیادی اشیائے ضرورت کی دکانوں پر پابندی کا اطلاق نہیں ہوگا۔

بیکری،کریانہ اسٹور، دوددھ،گوشت سبزی کی دکانیں صبح 5 سے شام 7 بجے تک کھلی رہیں گی، ریسٹورینٹ کو صرف ہوم ڈلیوری کی اجازت ہوگی۔

بنیادی اشیائے ضرورت کی دکانوں پر پابندی کا اطلاق نہیں ہوگا، عید بازار، چاند رات پر لگائے جانے والے تمام بازار وں پر پابندی ہوگی۔

محکمہ داخلہ سندھ کی جانب سے جاری کئے گئے نوٹیفکیشن میں کہا گیا ہے کہ نجی گاڑیوں، ٹیکسی میں نصف نشستیں خالی رکھنا ہوں گی۔

ریسٹورینٹس صبح 5 سے شام 7 بجے تک کھلے رہیں گے۔نوٹیفکیشن کے مطابق اندرون شہر، انٹر سٹی اور بین الصوبائی پبلک ٹرانسپورٹ 16مئی تک بند رہیں گی۔

مزید پڑھیں: پاکستان میں کورونا 140 زندگیاں نگل گیا، مزید 4298شہری وباء کا شکار