گوگل نیوز پر ہمیں فالو کریںپاکستان شوبز انڈسٹری کے معروف اداکار اور گلوکار علی ظفر اب پشتو زبان میں گانا جلد ریلیز کرنے جارہے ہیں۔
گلوکار علی ظفر سماجی رابطے کی سب سے بڑی سائٹ فیس بک پر پشتو گانے کی تصویر شیئر کرتے ہوئے مداحوں سے سوالیہ انداز میں پوچھا ہے کہ گانے کے الفاظ کیا ہوسکتے ہیں اور گانے میں میرے ساتھ کون پرفارم کررہا ہے۔ اور جو صحیح جواب دے گا اس کا نام گانے میں لیا جائے گا۔
ٹوئٹر پر شیئر کی گئی تصویر میں علی ظفر کو پشتو لباس میں ملبوس دیکھا جاسکتا ہے اور ان کے اردگرد موجود لوگ بھی پشتو ثقافت کی نمائندگی کرتے نظر آرہے ہیں۔
مجتبیٰ پی کے نامی فیس بک صارف نے علی ظفر کو چیلنج کو قبول کرتے ہوئے لکھا ہے کہ “یہ گل پانڑا ہے ۔ میں انہیں ہزاروں مرتبہ کالج جاتے ہوئے دیکھ چکا ہوں یہ ہمارے پڑوس میں رہتی ہیں۔”
علی ظفر کا پشتو گانا آئندہ ہفتے ریلیز ہونے کا امکان ہے۔ گلوکار کے صوبائی زبانوں میں گیت یوٹیوب پر 30 ملین تک لوگ سن چکے ہیں۔
واضح رہے کہ اس سے قبل علی ظفر بلوچی اور سندھی زبان میں بھی گیت ریلیز کرچکے ہیں ۔
یہ بھی پڑھیں : لال مسجد کے خطیب مولانا عبدالعزیز کے خلاف مزید 2 مقدمات درج
