گوگل نیوز پر ہمیں فالو کریںمعروف بھارتی اداکار نواز الدین صدیقی کی ہمشیرہ صائمہ تامشی صدیقی کا بریسٹ کینسر کے مرض کے باعث انتقال ہوگیا، نمازِ جنازہ اتر پردیش میں ادا کی جائے گی۔
معروف اداکار نواز الدین صدیقی کی بہن گزشتہ 8 برس سے کینسر کے موذی مرض میں مبتلا تھیں، 18 سال کی عمر میں مرض کی تشخیص کے بعد ان کا علاج مسلسل جاری تھا، تاہم گزشتہ روز وہ اپنی زندگی کی بازی ہار گئیں، ان کی عمر 26 سال تھی۔
سماجی رابطے کی ویب سائٹ ٹوئٹر پر اداکار نواز الدین صدیقی نے گزشتہ برس 13 اکتوبر کو مداحوں کو آگاہ کیا کہ ان کی بہن صائمہ تامشی صدیقی کو 18 سال کی عمر میں جب کینسر کی تشخیص ہوئی تو وہ حتمی اسٹیج پر تھا۔
اداکار نواز الدین صدیقی نے بتایا کہ 13 اکتوبر 2018ء کو صائمہ تامشی صدیقی 25 برس کی ہوئیں جس پر بھائی کی حیثیت سے وہ خوش ہیں۔ انہوں نے بہن کو زندگی کی طرف لانے اور کینسر سے لڑنے کا حوصلہ عطا کرنے پر معاونین کا شکریہ ادا کیا۔
نواز الدین صدیقی ہندی امریکا میں اپنی نئی فلم کی شوٹنگ میں مصروف ہیں جس کے باعث بہن کے نمازِ جنازہ کے لیے اہلِ خانہ نے وقت طے نہیں کیا ہے، تاہم صائمہ تامشی صدیقی کو آبائی گاؤں میں سپردِ خاک کیا جائے گا۔
My sister ws diagnosed of advanced stage #breastcancer @ 18
bt it ws her will power & courage dat made her stand agnst all d odds
she turns 25 2day & still fighting
M thankful 2 Dr.@koppiker & @Lalehbusheri13 fr motivating her
& m rly grateful 2 @resulp Sir fr introducng me 2 dem pic.twitter.com/xHsBK8uJDP— Nawazuddin Siddiqui (@Nawazuddin_S) October 13, 2018
