ریاست جتھوں سے نہ پہلے بلیک میل ہوئی ہے نہ آئندہ ہوگی، فواد چوہدری

اسلام آباد: وفاقی وزیر سائنس اینڈ ٹیکنالوجی و اطلاعات فواد چوہدری کا کہنا ہے کہ ریاست جتھوں سے نہ پہلے بلیک میل ہوئی ہے نہ آئندہ ہوگی۔

سماجی رابطوں کی ویب سائٹ ٹوئٹر پر پیغام شیئر کرتے ہوئے وفاقی وزیر فواد چوہدری نے کہا ہے کہ جمہوریت میں مختلف حلقوں کو نقطہ نظر کی اجازت ہوتی ہے لیکن آپ حکومت کو بزور طاقت بلیک میل نہیں کرسکتے۔

پورے ملک میں تمام اہم شاہراؤں پر ٹریفک روانی سےجاری ہے،جتھوں سے ریاست نہ کبھی پہلےبلیک میل ہوئ نہ آئندہ ہوگی جمہوریت میں مختلف حلقوں کو نقطہ نظر کی اجازت ہوتی ہےلیکن آپ حکومت کوبزورطاقت بلیک میل کوئ نہیں کرسکتا، پولیس اور اداروں پرتشدد میں ملوث مجرموں کو نشان عبرت بنایا جائیگا

— Ch Fawad Hussain (@fawadchaudhry) April 14, 2021

فواد چوہدری نے کہا کہ پولیس اور اداروں پرتشدد میں ملوث مجرموں کو نشان عبرت بنایا جائے گا۔

وفاقی وزیر اطلاعات و نشریات نے کہا ہے کہ پولیس اور سیکیورٹی ادارے ہمارا فخر ہیں، پوری دنیا میں وردی پہنے افراد ریاست کی عزت اور بقاء کی علامت سمجھے جاتے ہیں۔

انہوں نے کہا کہ وردی پہنے افراد کی عزت اور ناموس کا تحفظ ہر شہری پر لازم ہے، جن لوگوں نے یہ اصول پامال کیا وہ قومی مجرم ہیں۔