سوشل میڈیا پر جعلی پوسٹیں شیئر کرنے والوں کیخلاف سخت ایکشن لیا جائے گا، ڈی جی ایف آئی اے

اسلام آباد: وفاقی تحقیقاتی ایجنسی (ایف آئی اے) کے ڈائریکٹر جنرل  محمد طاہر رائے نے کہا ہے کہ جعلی سوشل میڈیا پوسٹیں شیئر کرنے والوں کے خلاف ایکشن لیا جائے گا اور اُن کو جیل کی سلاخوں کے پیچھے بھیجا جائے گا۔

تفصیلات کے مطابق محمد طاہر رائے نے ڈی جی ایف آئی اے کا چارج سنبھالنے کے بعد سینیئر افسران اور عملے سے خطاب کرتے ہوئے کہا کہ پبلک سروس ڈیلیوری کو بہتر بنانا ہے اور سائبر کرائم کو کنٹرول کرنا  پہلی ترجیح ہوگی۔

انہوں نے واضح طور پر کہا کہ کسی کو بھی شہریوں کے وقار کو مجروع کرنے کی اجازت نہیں ہو گی، جعلی سوشل میڈیا پوسٹیں شئیر کرنے والوں کیخلاف ایکشن لیا جائے گا۔

محمد طاہر رائے نے کہا کہ تفتیشی افسران اور سینئر افسران کی ٹریننگ کرائی جائے گی، ایف آئی اے کو پیشہ ورانہ طور پر کام کرنے کا ادارہ بنایا جائے گا۔

یہ بھی پڑھیں: عمران خان کو وہی سیکیورٹی دی جو وہ چاہتے تھے، رانا ثناء اللہ

خیال رہے کہ رہے کہ محمد طاہر رائے نے طویل عرصے تک سی ٹی ڈی پنجاب کی سربراہی کی تھی لیکن انہیں اس وقت عہدے سے برطرف کیا گیا تھا جب سانحہ ساہیوال وقوع پذیر ہوا تو انہوں نے اعلیٰ حکام کی ہدایت پر چارج راؤ سردارکے حوالے کیا  بعد ازاں جے آئی ٹی کی کلیئرنس کے بعد محمد طاہر راؤ کو بحال کردیا گیا تھا۔

ان کا نام پہلی مرتبہ میڈیا میں اس وقت شہ سرخیوں میں آیا تھا جب کراچی میں سانحہ کلفٹن کے باعث اس وقت کی وزیراعظم بے نظیر بھٹو کے بھائی میر مرتضیٰ بھٹو کا قتل ہوا تھا۔