گوگل نیوز پر ہمیں فالو کریںڈسٹرکٹ ایجوکیشن اتھارٹی (DEA) نے سرکاری اسکولوں میں حاضری، وقت کی پابندی اور نگرانی بہتر بنانے کے لیے نیا حکم نامہ جاری کیا ہے۔
اطلاع کے مطابق اب تمام سرکاری اسکولوں کے لیے لازمی قرار دیا گیا ہے کہ وہ ہر روز صبح 8:45 بجے عملے کا گروپ فوٹو لیں۔ اس اقدام کا مقصد یہ یقینی بنانا ہے کہ تدریسی اور غیر تدریسی عملہ اسکول کے اوقات میں موجود رہے۔
حکم نامے میں کہا گیا ہے کہ اساتذہ اور غیر تدریسی عملے کی روزانہ نگرانی کی جائے گی۔ اسکولوں کو ہدایت کی گئی ہے کہ گروپ فوٹو “Canva Camera” ایپ کے ذریعے لیں اور اسے حاضری کے رجسٹر کے ساتھ منسلک کریں۔
نئے احکامات کے تحت ہر اسکول کو فوٹوگراف کو ایک PDF فائل میں مرتب کرنا اور ہر روز صبح 9:30 بجے تک واٹس ایپ کے ذریعے متعلقہ حکام کو بھیجنا ہوگا۔
ہدایات میں مزید کہا گیا ہے کہ ہیڈ ٹیچرز روزانہ تدریسی اور غیر تدریسی عملے کی حاضری کی رپورٹ متعلقہ حکام کو جمع کروانے کے ذمہ دار ہوں گے۔
DEA نے واضح کیا ہے کہ جو اسکول ہیڈ اس حکم کی پابندی نہیں کریں گے ان کے خلاف سخت انتظامی کارروائی کی جائے گی۔
