گوگل نیوز پر ہمیں فالو کریںسڈنی سوینی کے مداحوں کے لیے افسوسناک خبر ہے، کیونکہ انہیں فلم “دی ڈیول وئیرز پراڈا 2” میں نہیں دیکھا جائے گا، کیوں کہ ان کا کیمیو سین مبینہ طور پر فلم کے حتمی ورژن سے نکال دیا گیا ہے۔
انٹرٹینمنٹ ویکلی اور ویریٹی کی رپورٹس کے مطابق یہ سین پوسٹ پروڈکشن کے دوران ایک “تخلیقی فیصلہ” کرتے ہوئے ہٹا دیا گیا، کیونکہ یہ فلم کے بہاؤ اور ساخت کے ساتھ مطابقت نہیں رکھتا تھا۔
اس سے قبل سڈنی سوینی نے ایک کیمیو شوٹ کیا تھا جس میں وہ خود کو بطور ایک مشہور شخصیت پیش کرتی ہیں، جو ایملی چارلٹن (ایملی بلنٹ) کی کلائنٹ ہوتی ہے۔
یہ منظر فلم کے ابتدائی حصے میں ڈائر کے امریکی ہیڈکوارٹر میں فلمایا گیا تھا، جہاں ایملی اب ایک سینئر ایگزیکٹو کے طور پر کام کر رہی ہے۔
اس سین میں ایملی کو سوینی کو ایک آنے والے ایونٹ کے لیے اسٹائل کرتے ہوئے دکھایا گیا تھا، اسی دوران مرانڈا پریسٹلی، اینڈی سیکس اور نائجل وہاں پہنچتے ہیں تاکہ اس کی مدد حاصل کریں۔
