گوگل نیوز پر ہمیں فالو کریںکراچی:مقامی کاٹن مارکیٹ میں گزشتہ ہفتہ کے دوران تیزی کا رجحان دیکھا گیا، روئی کے بھاؤ میں تقریبا ایک ہزار روپے کا اضافہ دیکھا گیا۔
ہفتہ کے پہلے تین روز کے دوران زبردست مندی کا رجحان رہا نیویارک کاٹن کے دسمبر وعدے کا بھاؤ کم ہوکر فی پانڈ 71 امریکن سینٹ پر آگیا تھا لیکن جمعرات کی شام سے 16 امریکن سینٹ بڑھ کر 87 امریکن سینٹ کی اونچی سطح پر پہنچ گیا۔
جس کی وجہ چین دوبارہ امریکن کاٹن کی خریداری میں نمایاں رہا اور کاٹن کے Speculators نے زیادہ فروخت کردیا تھا وہ دوبارہ خریداری کرنے لگے اور مقامی جینرز بھی تیزی کی امید سے فروخت کرنے سے اجتناب برتنے لگے۔
دوسری جانب جمعرات کو پاکستان کاٹن جنرز کی جانب سے 31 نومبر تک ملک میں روئی کی پیداوار کے اعداد و شمار جاری کیے گئے ہیں جس کے مطابق اس عرصے میں روئی کی پیداوار توقع کے برخلاف 37 لاکھ 7 ہزار 693 گانٹھوں کی ہوئی جو گزشتہ سال کے اسی عرصے کی پیداوار 62 لاکھ 57 ہزار 19 گانٹھوں کے نسبت 25 لاکھ 49 ہزار 326 گانٹھیں 40.72 فیصد کم ہے۔
توقع سے کم رپورٹ آنے کی وجہ سے جنرز تھوڑی ہمت میں آگیا ہے اور وہ روئی بیچنے سے اجتناب برت رہا ہے دوسری جانب ٹیکسٹائل اسپنرز نے بھی دیکھو اور انتظار کروکا رویہ اختیار کیا ہوا ہے جس کے باعث کاروباری حجم نسبتاً کم ہے۔
ٹیکسٹائل ملز کے ذرائع کے مطابق کاٹن یارن اورٹیکسٹائل مصنوعات کی مانگ اور بھاؤ میں سرد بازاری ہے زبردست مالی بحران ہے ٹیکسٹائل سیکٹر تقریبا 50 فیصد بند ہے۔ کئی ملز نے اسٹاف کو فارغ کر دیا ہے جس کے باعث بیکاری اور بے روزگاری میں اضافہ ہوتا جا رہا ہے۔
کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ میں فی من 200 روپے کا اضافہ کرکے اسپاٹ ریٹ16700روپے کے بھاؤ پر بند کیا۔
مزید پڑھیں:ڈیجیٹل کرنسی ڈاج کوائن کی قیمت میں اضافہ کیوں ہورہا ہے؟
آئندہ دنوں مارکیٹ کیا رخ اختیار کرتی ہے وہ وقت بتائے گا گو کہ بین الاقوامی طور پر Recession جاری ہے روس اور یوکرین کا تنازعہ شدید بگڑ رہا ہے۔ علاوہ ازیں مقامی طور پر بھی سیاسی حالات بے یقینی کے ہیں۔
