صدر مملکت کی منظوری کے بعد نیب ترمیمی آرڈیننس کا مسودہ جاری کر دیا گیا

اسلام آباد: صدر مملکت کی منظوری کے بعد نیب ترمیمی آرڈیننس کا مسودہ جاری کر دیا گیا ، نوٹیفکیشن کے مطابق ٹیکس لیوی سے متعلقہ معاملات نیب کے دائرہ اختیار سے باہر ہیں۔

ٹیکس لیوی سے متعلقہ تمام انکوائریز متعلقہ فورمز کو منتقل ،احتساب عدالتوں سے ٹیکسز کے مقدمات متعلقہ عدالتوں کو منتقل ،عوامی عہدہ رکھنے والوں کے خلاف نیب کارروائی نہیں کرسکے گا۔

مزید پڑھیں:تحریک انصاف کوبچانے کیلئے نیب آرڈیننس لایا گیا ہے،پیپلز پارٹی

عوامی عہدہ رکھنے والوں کے خلاف کاروائی مالی شواہد کی بنا پر ہوگی۔نوٹیفیکیشن کے مطابق مالی فائدہ اٹھانے تک اختیارات کے ناجائز استعمال کا کیس بھی نہیں بنے گا۔

واضح رہے کہ پیپلزپارٹی، ن لیگ اور دیگر اپوزیشن جماعتوں کا کہنا ہے کہ نیب آرڈیننس میں ترمیم آئین کے خلاف ہے جبکہ ترمیم کا مقصد پی ٹی آئی کو تحقیقات سے بچانا ہے جبکہ نیب ترمیمی آرڈیننس کو سپریم کورٹ میں چیلنج بھی کردیا گیا ہے۔