سمندری طوفان کے اثرات، کراچی میں کہیں ہلکی تو کہیں تیز بارش شروع

کراچی میں سمندری طوفان بیپر جوائے کے ممکنہ اثرات آنے شروع ہوگئے، شہر کے مختلف علاقوں میں ہلکی اور تیز بارش کا سلسلہ شروع ہوچکا ہے۔

محکمہ موسمیات کے مطابق کراچی کے مختلف علاقوں ملیر، سعود آباد، کلفٹن، ہاکس بے، ابراہیم حیدری اور لانڈھی میں بارش شروع ہوچکی ہے۔

???? North Nazimabad Moderately Heavy Showers begins.
Credits: Adeel Samaa
Weather Updates PK 2.0 – Jawad Memon / Pakistan Doppler (Former Karachi Doppler) pic.twitter.com/r9IwEb3n8F

— Weather Updates PK (@WeatherWupk) June 15, 2023

محکمہ موسمیات نے طوفان کے پیش نظر شہر میں آج 50 ملی میٹر بارش کا امکان ظاہر کیا ہے۔

یہ بھی پڑھیں:

گزشتہ 1 روز میں لاہور میں کہاں کتنی بارش ہوئی؟

کراچی کے مشرق میں سپر ہائی وے سے لے کر ساحلی پٹی تک گہرے بادل ہیں۔

اس حوالے سے ماہرین موسمیات کا کہنا ہے کہ ٹھٹھہ کے اوپر بارش برسانے والے گہرے بادل موجود ہیں، یہ بادل مشرق سے مغرب کی جانب بڑھ رہے ہیں۔

ماہرین نے کہا کہ یہ بادل اسٹیل ٹاؤن، پورٹ قاسم اور آگے کے علاقوں میں بارش برسائیں گے۔