گوگل نیوز پر ہمیں فالو کریںاسلام آباد: تحریک انصاف کے چیئرمین عمران خان کو الیکشن کمیشن نے ممنوعہ فنڈنگ کیس میں شوکاز نوٹس کے جواب کے لئے 23 اگست صبح 10 بجے طلب کر لیا۔
الیکش کمیشن کی جانب سے کہا گیا ہے کہ کیوں نہ یہ ممنوعہ فنڈنگ ضبط کرلی جائے، شوکاز میں امریکا، کینیڈا اور دیگر ممالک سے کمپنیوں سے ملنے والے فنڈز کا جواب مانگا گیا۔
5 اگست کو الیکشن کمیشن کی جانب سے ممنوعہ فنڈنگ کیس کے فیصلے پر پی ٹی آئی کے چیئرمین کو جاری کئے گئے شوکاز نوٹس میں عارف نقوی سے ملنے والے 21 لاکھ ڈالر، بھارتی شہری رومیتا سیٹھی سے موصول ہونے والے 13 ہزار 750 ڈالر کا ذکر ہے۔
اب پی ٹی آئی کو ان فنڈز کی وضاحت کے لئے شوکاز نوٹس جاری کرتے ہوئے 23 اگست صبح 10 بجے طلب کیا گیا ہے۔
واضح رہے کہ پی ٹی آئی کے بانی رکن اکبر ایس بابر کی جانب سے الیکشن کمیشن میں تحریک انصاف کی جانب سے غیرملکی فنڈنگ کی درخواست دائر کی گئی تھی جس کا 8 سال بعد فیصلہ سنایا گیا تھا۔
مزید پڑھیں:ملک کی بڑی جماعت کو فوج کیساتھ لڑانے کی سازش کی جارہی ہے، عمران خان
