گوگل نیوز پر ہمیں فالو کریںپاکستان کرکٹ ٹیم کے سابق کپتان شاہد آفریدی نے آئی سی سی ٹی ٹوئنٹی ورلڈ کپ میں پاکستان ٹیم کے بھارت کے خلاف میچ کھیلنے کے فیصلے کو خوش آئند قرار دیا ہے جبکہ اس سے قبل انہوں نے بھارت کے خلاف میچ نہ کھیلنے کو افسوسناک قرار دیا تھا۔
سماجی رابطے کی سائٹ ایکس (سابق ٹوئٹر) پر اپنے آفیشل ہینڈل سے ایک پیغام میں سابق قومی کرکٹ ٹیم کے کپتان شاہد آفریدی نے کہا کہ حکومت پاکستان نے میچ میں شرکت کا فیصلہ کرکے نہ صرف ٹی 20 ورلڈکپ کے وقار کو محفوظ کیا بلکہ کھیل کے عالمی استحکام کو بھی یقینی بنایا جس سے کرکٹ کی اسپرٹ برقرا رہی۔
The spirit of cricket has prevailed. By choosing the path of participation, the @GovtOfPakistan has protected the sanctity of the #T20WorldCup and ensured the game’s global stability. Cricket wins, which means it will continue to play its pivotal role of bridging the widest of…
— Shahid Afridi (@SAfridiOfficial) February 10, 2026
سابق کپتان کا کہنا ہے کہ کرکٹ جیت گیا جس کا مطلب فاصلوں کو کم کرنے میں کھیل پل کا کردار ادا کرتا رہے گا۔
یاد رہے کہ اس سے قبل انہوں نے کہا تھا کہ بھارت کے خلاف میچ نہ کھیلنا اگرچہ افسوسناک ہے لیکن وہ اس معاملے میں اپنی حکومت کے موقف کے ساتھ کھڑے ہیں۔
I’ve always believed cricket can open doors when politics closes them. It’s regrettable that Pakistan won’t play India at the #T20WorldCup, but I stand behind my government’s decision. This is the moment for @ICC to lead and prove through decisions, not statements, that it is…
— Shahid Afridi (@SAfridiOfficial) February 2, 2026
اپنے پیغام میں شاہد آفریدی نے کہا کہ وہ ہمیشہ اس بات پر یقین رکھتے آئے ہیں کہ کرکٹ بعض اوقات سیاسی کشیدگی کم کرنے میں کردار ادا کر سکتی ہے تاہم موجودہ حالات میں پاکستان کا یہ فیصلہ قابلِ فہم ہے۔
واضح رہے کہ حکومت پاکستان نے قومی کرکٹ ٹیم کو ٹی ٹوئنٹی ورلڈکپ 2026 میں بھارت کے خلاف میچ کھیلنے کی اجازت دے دی ہے جس کے بعد اب پاکستان اور بھارت کے درمیان ہائی وولٹیج میچ 15 فروری کو کولمبو میں کھیلا جائے گا۔
