گوگل نیوز پر ہمیں فالو کریںکراچی: اورنگی ٹاؤن میں ایک گھر سے 12 سالہ بچی کی پھندا لگی لاش برآمد ہوئی ہے، پولیس کے مطابق بچی کے گلے میں رسی بندھی ہوئی ہے۔
ذرائع کے مطابق اورنگی ٹاؤن پولیس اطلاع ملتے ہی جائے وقوعہ پر پہنچ گئی اور لاش کو قبضے میں لے کر مزید کارروائی کیلئے عباسی شہید اسپتال منتقل کردیا گیا۔
اس حوالے سے ایس ایس پی سہائی عزیز نے میڈیا کو بتایا کہ ابتدائی طور پر مذکورہ واقعہ خودکشی کا نہیں لگ رہا، پوسٹ مارٹم کے بعد ہی اصل صورتحال واضح ہوسکے گی۔
ذرائع کا کہنا ہے کہ عباسی شہید اسپتال میں پوسٹ مارٹم کے لئے فی الوقت کوئی خاتون ڈاکٹر دستیاب نہیں ہے۔اہل محلہ نے بتایا کہ بچی اپنے گھر میں اپنے بھائیوں کے ساتھ رہتی تھی۔
مزید پڑھیں: دو سگی بہنوں نے زہریلی گولیاں کھا کر زندگی کا خاتمہ کرلیا
