گوگل نیوز پر ہمیں فالو کریںکراچی: ایس ای او سی (سندھ ایمرجنسی آپریشن سینٹر) نے اعلان کیا ہے کہ کراچی میں 3 روزہ انسدادِ پولیو مہم آج سے شروع کردی گئی ہے۔
سندھ ایمرجنسی آپریشن سینٹر برائے پولیو کے مطابق انسدادِ پولیو مہم کراچی کے 2 اضلاع میں شروع کی گئی جس کے دوران 5 سال سے کم عمر بچوں کو پولیو سے بچاؤ کیلئے ویکسین کے قطرے پلائے جائیں گے۔
شہرِ قائد کے ضلع غربی و وسطی میں انسدادِ پولیو مہم کے دوران 22 یونین کونسلز میں بچوں کو پولیو ویکسین کے قطرے پلائے جائیں گے جس کے دوران کورونا وائرس سے بچاؤ کیلئے ایس او پیز کا خیال رکھا جائے گا۔
انسدادِ پولیو ٹیم کو دستانے، سرجیکل ماسک اور پی پی ایز(پرسنل پروٹیکٹو ایکوپمنٹ) فراہم کیا جائے گا جبکہ قبل ازیں انسدادِ پولیو مہم مارچ کے مہینے میں شروع کی گئی تھی۔
موجودہ انسدادِ پولیو مہم کے بارے میں فیصلہ کیا گیا تھا کہ اسے جون میں شروع کیا جائے گا، تاہم بڑھتے ہوئے کورونا وائرس کیسز کے پیشِ نظر ایسا نہ کیا جاسکا۔
یہ بھی پڑھیں: کراچی کے بچے میں پولیو وائرس کی تصدیق
