گوگل نیوز پر ہمیں فالو کریںمشہور اداکار ٹموتھی شالامی اور معروف کاروباری شخصیت کائلی جینر نے اپنی مصروف زندگی کے آغاز سے قبل ایک پُرسکون لمحہ ایک دوسرے کے ساتھ گزارنے کا فیصلہ کیا ہے۔
معروف جریدے پیپل کی ایک حالیہ رپورٹ کے مطابق دونوں شخصیات ایک دوسرے کے ساتھ وقت گزارنے کے لیے سنجیدہ ہیں اور شوٹنگ کے شیڈول سے پہلے فرانس میں ایک ساتھ ہاتھوں میں ہاتھ ڈالے دیکھے گئے۔
ذرائع کے مطابق کائلی نے گزشتہ ماہ وینس میں لورین سانچیز اور جیف بیزوس کی تقریب میں شرکت کی تھی جس کے بعد ان کی ملاقات فرانس میں ٹموتھی سے ہوئی۔
ایک قریبی شخص نے بتایا کہ وہ شادی سے پہلے ایک دوسرے سے نہیں ملے تھے، اس لیے یہ ملاقات دونوں کے لیے خاص تھی۔ٹموتھی جلد ہی اپنی نئی فلم ڈون میسایا کی شوٹنگ پراگ میں شروع کرنے والے ہیں، جس پر کائلی بے حد خوش اور پُرجوش تھیں کہ وہ فرانس میں ان سے ملاقات کر سکیں۔
ذرائع کا کہنا ہے کہ ان کے پاس صرف چند دن ہیں کہ وہ ایک ساتھ وقت گزار سکیں کیونکہ جلد ہی شوٹنگ کا آغاز ہونے والا ہے۔
اس دوران دونوں کی مصروف زندگی انہیں پریشان نہیں کرتی کیونکہ وہ اس قسم کے شیڈول کے عادی ہو چکے ہیں۔
کائلی کے قریبی افراد کے مطابق وہ جب بھی موقع ملے، ان سے ملنے کے لیے سفر کریں گی۔ دونوں اب بھی بہت خوش ہیں اور ایک دوسرے کے لیے وقت نکال رہے ہیں۔
