آنجہانی آسٹریلین کرکٹر اینڈریو سائمنڈز کیلئے خراجِ تحسین کا منفرد انداز

آسٹریلیا اور پاکستان سمیت دنیا بھر میں آنجہانی آسٹریلین کرکٹر اینڈریو سائمنڈز کیلئے خراجِ تحسین کے مختلف انداز اپنائے جا رہے ہیں۔

بھارت کے قومی ایوارڈ (پدماشری) کے فاتح سدرسن پٹنائک کو بین الاقوامی سطح پر ریت پر فن پارے بنانے کے حوالے سے سراہا جاتا ہے۔ انہوں نے بھی اپنے منفرد انداز میں اینڈریو سائمنڈز کو خراجِ عقیدت پیش کیا۔

یہ بھی پڑھیں:

اینڈریو سائمنڈز کا انتقال، کرکٹرز کا اظہارِ افسوس

سابق آسٹریلین کرکٹر اینڈریو سائمنڈز کار حادثے میں انتقال کرگئے

سماجی رابطے کی ویب سائٹ ٹوئٹر پر 2 روز قبل اپنے پیغام میں معروف مجسمہ ساز سدرسن پٹنائک نے کہا کہ میں اینڈریو سائمنڈز کی اندوہناک حادثے میں ہلاکت کے متعلق جان کر افسردہ ہوں۔

ٹوئٹر پیغام میں سدرسن پٹنائک نے کہا کہ اینڈریو سائمنڈز جیسے کھلاڑی کا انتقال دنیائے کرکٹ کیلئے ایک عظیم نقصان ہے۔ بھارت کے ساحلِ سمندر پوری بیچ پر میں نے ریت سے فن پارہ بنا کر لکھا کہ ہم انہیں یاد کریں گے۔ 

Sad to know about #AndrewSymonds passing away in a tragic accident. It is a huge loss to the world of cricket. My SandArt at Puri beach in india with message “We will miss you “ RIP ???? pic.twitter.com/zpvo7s80ic

— Sudarsan Pattnaik (@sudarsansand) May 15, 2022

خیال رہے کہ اس سے قبل آسٹریلیا کے سابق کرکٹر اینڈریو سائمنڈز کار حادثے میں انتقال کر گئے، پاکستان اور آسٹریلیا کے کرکٹرز نے اینڈریو سائمنڈز کی وفات پر افسوس کا اظہار کیا۔

سماجی رابطے کی ویب سائٹ ٹوئٹر پر 2 روز قبل اپنے پیغام میں دُنیا کے تیز ترین بولر اور پاکستانی قومی ٹیم کے سابق کھلاڑی شعیب اختر نے کہا کہ مجھے اینڈریو سائمنڈز کے کار حادثے اور انتقال کی خبر پر بہت افسوس ہے۔