امریکی سفارتخانے کی گاڑی کی ٹکر سے خاتون سمیت دو افراد جاں بحق، چار زخمی

اسلام آباد: وفاقی دارالحکومت میں امریکی سفارتخانے کی گاڑی اور کار میں تصادم کے نتیجے میں 2 افراد جاں بحق جبکہ 4 افراد زخمی ہو گئے ، واقعہ تیز رفتاری کی وجہ سے پیش آیا۔

ذرائع کے مطابق امریکی سفارتخانے کی گاڑی نے اشارہ بند ہونے کے باوجود سامنے سے آنے والی ایک کار کو ٹکر ماری۔

اس حادثے میں ایک خاتون سمیت 2 افراد جاں بحق جبکہ دیگر 4 افراد زخمی بھی ہوئے تاہم زخمیوں کو طبی امداد کیلئے پمز اسپتال منتقل کر دیا گیا ہے۔

مزید پڑھیں: کراچی: گاڑی کی خوشی میں تیزرفتاری جانیں لے گئی، 3 افراد جاں بحق، 2 زخمی

جاں بحق ہونے والے افراد کی شناخت تاحال نہیں ہو سکی ۔ پولیس نے امریکی سفارتخانے کی گاڑی کو کارروائی کیلئے تھانے منتقل کر دیا ہے۔

اسلام آباد کے پولیس حکام کا کہنا ہے کہ امریکی سفارتخانے کی گاڑی امجد نامی مقامی ڈرائیور چلا رہا تھا جسے گرفتار کرکے تفتش شروع کر دی گئی ہے۔