گوگل نیوز پر ہمیں فالو کریںجیسا کہ ہم سب جانتے ہیں کہ رمضان المبارک کا مہینہ سعادتوں اور رحمتوں سے مالا مال ہوتا ہے، اس مہینے میں تمام مسلمان روزہ رکھتے ہیں بعدازاں افطار کے بعد تمام گھروالے ساتھ مل کر بیٹھتے ہیں اور کسی ہلکے پھلکے مزاحیہ شو کو دیکھنا پسند کرتے ہیں۔
ہر سال پاکستانی ڈرامہ انڈسٹری کی جانب سے یہی کوشش کی جاتی ہے کہ ایک سے بڑھ کر ایک رمضان اسپیشل ڈرامہ پیش کیا جائے کیونکہ یہ ڈرامے عوام میں بہت زیادہ مقبول ہوتے ہیں۔
یہاں ہم ایسے رمضان اسپیشل ڈراموں کا ذکر کریں گے جو آپ اس رمضان المبارک میں دیکھ سکتے ہیں:
1) چاند تارہ
پاکستانی شوبز انڈسٹری کی مقبول جوڑی عائزہ خان اور دانش خان بہت جلدرمضان اسپیشل ڈرامے ’چاند تارا ‘ میں ساتھ نظر آئینگے۔ ڈرامہ ہم ٹی وی پر پیش کیا جائے گا جس کی ہدایت دانش نواز دے رہے ہیں جبکہ اسے صائمہ اکرم چوہدری نے تحریر کیا ہے۔
2) جنجال پورہ
ڈرامہ سیریل جنجال پورہ جیو انٹرٹینمنٹ پر نشر ہوگا جس میں اداکار عمران اشرف اور عمار خان نظر آئینگے، ڈرامے کی عکس بندی لاہور میں کی گئی تھی جبکہ اسے عمار خان نے لکھا ہے اور صائمہ وسیم نے اس کی ہدایت کار ہیں۔
3) نامعلوم عنوان
اداکار منیب بٹ اور اداکارہ کومل میر رمضان اسپیشل ڈرامے میں نظر آئینگے جو کہ جیوانٹرٹینمنٹ پرپیش کیا جائے گا ، جس کی کہانی ابھی خفیہ رکھی گئی ہے۔
4) نامعلوم عنوان
ہم ٹی وی پر ایک اور رمضان اسپیشل ڈرامہ پیش کیا جائے جس کی کاسٹ میں حمزہ سہیل، سحر خان اور عدنان رضا میر شامل ہیں ۔ اس ڈرامے کے ہدایت کار علی حسن ہیں جن کے رمضان اسپیشل ڈرامے پرستان کو ناظرین نے خوب پذیرائی دی تھی۔
