گوگل نیوز پر ہمیں فالو کریںمعروف مذہبی اسکالر مولانا طارق جمیل نے سابق وزیرِ اعظم عمران خان کو مشورہ دیتے ہوئے قہقہے لگا دیے۔
سماجی رابطے کی ویب سائٹ ٹوئٹر پر معروف مبلغ مولانا طارق جمیل کی ایک ویڈیو وائرل ہے، جس میں وہ اپنے پسندیدہ سیاسی رہنما عمران خان کو ایک مشورہ دے رہے ہیں جس کے بعد وہ زور سے ہنستے ہوئے بھی سنائی دیتے ہیں۔
مولانا طارق جمیل صاحب کا قہقہ لگاتے ہوئے تحریک انصاف اور عمران خان صاحب کے لیے مشورہ pic.twitter.com/aYHw9NtCpK
— Sabookh Syed | سبوخ سید (@SaboohSyed) May 27, 2023
طارق جمیل اس ویڈیو میں اپنے خطاب کے دوران لوگوں کے سامنے بیٹھے ہیں اور ان سے مخاطب ہوتے ہوئے کہتے ہیں کہ تمام پاکستان تحریکِ انصاف کے کارکنان تین تین دن تبلیغ پر چلے جاؤ اور اپنے ہمراہ عمران خان کو بھی لے جاؤ، اس سے آپکو بہت فائدہ ہوگا۔
طارق جمیل ان تین جملوں کی ادائیگی کے بعد قہقہے لگاتے ہیں اور سامنے بیٹھے افراد کو ہنستے ہوئے دیکھتے رہتے ہیں۔
واضح رہے کہ طارق جمیل کافی عرصے سے عمران خان کی حمایت کی وجہ سے مسلسل تنقید کا نشانہ بنتے آ رہے ہیں اور ایک موقع پر تو انہیں عمران خان کی حمایت کی وجہ سے قوم سے معافی بھی مانگنی پڑ گئی تھی۔
