گوگل نیوز پر ہمیں فالو کریںسیالکوٹ: پاکستان تحریک انصاف (پی ٹی آئی) کے رہنما عثمان ڈار اور دیگر پارٹی کارکنوں کو پارٹی قیادت کی جانب سے جلسے کا مقام تبدیل کرنے کے بعد رہا کر دیا گیا۔
عثمان ڈار کو پی ٹی آئی کے سربراہ عمران خان کے جلسے کے مقام پر پی ٹی آئی کارکنوں اور پولیس کے درمیان ہاتھا پائی کے بعد گرفتار کیا گیا تھا۔
پولیس پی ٹی آئی کے جلسہ گاہ میں داخل ہوئی اور دعویٰ کیا کہ ضلعی انتظامیہ نے پارٹی کو سیالکوٹ کے سی ٹی آئی گراؤنڈ میں جلسہ کرنے کی اجازت نہیں دی ہے۔
پی ٹی آئی کارکنوں کی مزاحمت پر پولیس نے کارکنوں کو منتشر کرنے کی کوشش میں آنسو گیس کی شیلنگ اور لاٹھی چارج کا سہارا لیا۔ تاہم بعد ازاں پی ٹی آئی نے عوامی جلسے کے مقام کو وی آئی پی گراؤنڈ میں تبدیل کرنے کا اعلان کیا۔
پی ٹی آئی پنجاب کے صدر شفقت محمود نے پارٹی کے دیگر رہنماؤں کے ساتھ پریس کانفرنس کرتے ہوئے کہا کہ ان کی پارٹی کے پرامن کارکنوں کو پولیس نے تشدد کا نشانہ بنایا اور دعویٰ کیا کہ خواجہ آصف کی ہدایت پر پولیس ایکشن شروع کیا گیا۔
مزید پڑھیں:عمران خان نے سیالکوٹ میں پولیس کارروائی کے خلاف ملک گیر احتجاج کی کال دے دی
