پنجاب میں سردی کی چھٹیوں کا یکم جنوری سے آغاز، اعلان کردیا گیا

پنجاب کی نگران حکومت نے اسکولوں میں یکم جنوری سے سردی کی چھٹیوں کا اعلان کردیا ہے جو 10 جنوری تک جاری رہیں گی۔

تفصیلات کے مطابق پنجاب حکومت کے  محکمۂ خواندگی و غیر رسمی تعلیم نے اعلان کیا ہے کہ صوبے کے تمام غیر رسمی اسکولوں میں سردی کی چھٹیاں یکم جنوری سے شروع ہوں گی۔

[visual-link-preview encoded=”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”]

محکمۂ خواندگی کا کہنا ہے کہ غیر رسمی تعلیمی اداروں کو یکم جنوری سے 10 جنوری تک سردی کی چھٹیوں کے شیڈول کی پیروی کرنا ہوگی جبکہ صوبے کو ماحولیاتی مسائل درپیش ہیں۔

حال ہی میں پنجاب حکومت نے فوگ میں روز افزوں اضافے کے پیشِ نظر مصنوعی بارش کی تجویز پر اقدامات اٹھائے جس سے صوبے میں ہوا کا معیار بہتر ہوا، تاہم معیار برقرار نہ رہ سکا۔

طبی ماہرین نے فوگ سے متاثرہ علاقوں میں عوام کو گھروں سے باہر نکلتے وقت لازمی طور پر ماسک پہننے کی ہدایت کی ہے۔ واضح رہے کہ رسمی تعلیمی اداروں میں چھٹیاں پہلے ہی شروع ہوچکی ہیں۔

نگران حکومت نے 18دسمبر سے ہی پنجاب کے سرکاری و نجی اسکولز کو سردی کی چھٹیوں کے آغاز کی ہدایت کی تھی۔ 2 جنوری کو سرکاری و غیر سرکاری اسکول دوبارہ کھل جائیں گے۔