گوگل نیوز پر ہمیں فالو کریںپاکستانی فلم و ٹی وی ایکٹریس ماہرہ خان نے اپنے ٹی وی سیریل ”ہم سفر“ کو گزشتہ 10 سال کا بہترین ڈرامہ قرار دئیے جانے پر اظہارِ تشکر کرتے ہوئے ویڈیو پیغام جاری کیا ہے۔
سماجی رابطے کی ویب سائٹ ٹوئٹر پر اپنے پیغام میں فلم و ٹی وی ایکٹریس ماہرہ خان نے برطانوی اخبار انڈپنڈنٹ اردو کو جاری کردہ ویڈیو پیغام شیئر کیا۔
ویڈیو پیغام میں اداکارہ ماہرہ خان نے کہا کہ میں بہت خوش ہوں کہ برطانوی اخبار نے میرے ڈرامے ہم سفر کو گزشتہ 10 سال کا بہترین ڈرامہ قرار دیا۔ ”ہم سفر“ سے مجھے ناظرین کا بہت پیار اور عزت ملی۔
ماہرہ خان نے کہا کہ آگے جتنے بھی عشرے، برس اور دہائیاں گزریں، میرے لیے ”ہم سفر “ میری زندگی کا بہترین ڈرامہ ہی رہے گا۔ کبھی کبھی مجھے لگتا ہے کہ ”ہم سفر“ ہے تو میں بھی ہوں۔
Humsafar ???? https://t.co/RgHTJqypNp
— Mahira Khan (@TheMahiraKhan) December 29, 2019
ہم سفر کو دہائی کا بہترین ڈرامہ قرار دئیے جانے پر ماہرہ خان نے خوشی کا اظہار کرتے ہوئے کہا کہ امید کرتی ہوں کہ آئندہ میرے کسی نئے ڈرامے یا فلم کو بھی اس اعزاز کا مستحق سمجھا جائے۔
یاد رہے کہ اس سے قبل پاکستانی اداکارہ ماہرہ خان اور مہوش حیات کو ایشیاء میں خوبصورت، پرکشش اور جاذب نظر خواتین کی فہرست میں شامل کیاگیا۔
برطانوی جریدے ایسٹرن آئی کی جانب سے سال 2019 کی ایشیا سے تعلق رکھنے والی پرکشش خواتین کی فہرست 2 ہفتے قبل جاری کی گئی جس کے ٹاپ ٹین میں دو پاکستانی اداکارائیں بھی جگہ بنانے میں کامیاب ہوئیں۔
مزید پڑھیں: ماہرہ خان پرکشش خواتین میں شامل
