چینی ٹیچر کی بوہے باریاں گاتے ہوئے ویڈیو وائرل، صارفین نے خوب داد دی

چینی ٹیچر کی ایک ویڈیو سوشل میڈیا پر وائرل ہو رہی ہے جس میں وہ انتہائی  دلکش انداز سے پاکستانی گلوکارہ حدیقہ کیانی کا گانا گنگنا رہی ہیں۔

چین کے دارالحکومت بیجنگ میں واقع پاکستان ایمبیسی کالج کی ایک میوزک ٹیچر کی ویڈیو چین میں پاکستان کے سفیر معین الحق نے اپنے ٹوئٹر اکاؤنٹ سے شیئر کی، جسے سوشل میڈیا صارفین کی جانب سے خوب سراہا گیا۔

Pakistan Embassy College Beijing music teacher Ms. Vicky performing the iconic song ‘Buhe Bariyan’ of @Hadiqa_Kiani at the Pakistan Food and Cultural Festival organized by Embassy to mark 75th Independence of Pakistan at Silk Road International Arts Centre.@PkPublicDiplo pic.twitter.com/hnWOY3xLlM

— Moin ul Haque (@PakAmbChina) August 17, 2022

ویڈیو میں دیکھا جاسکتا ہے کہ مس وکی نامی ٹیچر بہت ہی سریلے انداز میں پاکستانی گانا ‘بوہے باریاں’ گا رہی ہیں جبکہ تقریب میں ہر عمر کے لوگ موجود ہیں۔

واضح رہے کہ چینی ٹیچر نے یہ پرفارمنس  پاکستان کی 75 ویں یوم آزادی کے موقع پر سفارت خانے کے زیر اہتمام  پاکستان فوڈ اینڈ کلچرل فیسٹیول میں دی تھی۔