حاملہ خاتون پر ظلم، ڈی جی ہیلتھ سندھ چھاچھرو اسپتال پہنچ گئے

حاملہ خاتون کے آپریشن کے دوران نوزائیدہ بچے کا سر دھڑ سے جدا کرنے کے واقعے پر ڈی جی ہیلتھ محمد جمن نے چھاچھرو اسپتال کا دورہ کیا۔

ڈی جی ہیلتھ نے بتایا کہ وزیر صحت ڈاکٹر عذرا فضل پیچوہو نے واقعے کا نوٹس لیا ہے، سینئر ڈاکٹرز کی ٹیم واقعےکی تفتیش کر رہی ہے۔

یہ بھی پڑھیں: سندھ کے سرکاری ہیلتھ سینٹر میں حاملہ خاتون پر بد ترین ظلم

ڈی جی ہیلتھ کا کہنا تھا کہ خاتون کا آخری آپریشن حیدرآباد میں ہوا، غفلت کرنے والوں کے خلاف کارروائی ہوگی۔

یاد رہے کہ گزشتہ روز چھاچھرو کے اسپتال میں حاملہ خاتون کا غلط آپریشن کر کے بچے کا سر تن سے جدا کردیا گیا جبکہ جسم کا باقی حصہ خاتون کے پیٹ میں ہی چھوڑ دیا گیا تھا۔