گوگل نیوز پر ہمیں فالو کریںاداکارہ اور میزبان نادیہ خان جو اپنے مضبوط قوم پرستانہ موقف اور بھارتی مواد پر تنقیدی آرا کے لیے جانی جاتی ہیں، ایک بھارتی گانے پر اپنے بیٹے کے ساتھ رقص کرنے کے باعث تنقید کی زد میں آ گئی ہیں۔
یہ رقص بظاہر ایک شادی کی تقریب میں کیا گیا۔ نادیہ خان کی جانب سے انسٹاگرام پر شیئر کی گئی ویڈیو میں دیکھا جا سکتا ہے کہ وہ اپنے بیٹے اذان کے ساتھ رقص کر رہی ہیں۔
ویڈیو میں نادیہ خان نیلے رنگ کا مخملی فرشی شلوار سوٹ پہنے ہوئے ہیں، جبکہ اذان سیاہ شلوار قمیص کے ساتھ ہلکے رنگ کی شال اوڑھے نظر آتے ہیں۔ دونوں نے مشہور بھارتی فلمی گانے “سینیوریتا” پر رقص کیا۔
جیسے ہی یہ ویڈیو سوشل میڈیا پر وائرل ہوئی، صارفین نے نادیہ خان کی حب الوطنی پر سوال اٹھانا شروع کر دیے۔ کئی صارفین نے تنقید کرتے ہوئے کہا کہ وہی نادیہ خان جو اکثر ٹی وی پر سخت قوم پرستانہ مؤقف اختیار کرتی ہیں، خود ایک بھارتی گانے پر رقص کر رہی ہیں۔
ایک صارف نے تبصرہ کیا کہ “یہ تو بھارتی گانا ہے، آپ کی حب الوطنی کہاں گئی؟”
ایک اور نے لکھا کہ “جو دوسروں کو نصیحتیں کیا کرتی تھیں، آج خود بھارتی گانے پر ناچ رہی ہیں۔”
کچھ صارفین نے حالیہ علاقائی صورتحال کا حوالہ دیتے ہوئے بھی سوالات اٹھائے۔ دلچسپ بات یہ ہے کہ بھارتی سوشل میڈیا صارفین بھی اس بحث میں شامل ہو گئے اور مختلف تبصروں کے ذریعے معاملے کو مزید ہوا دی۔
ایک بھارتی صارف نے طنزیہ انداز میں لکھا کہ “آپ ہماری موسیقی پر ناچتی بھی ہیں اور ہم پر تنقید بھی کرتی ہیں، ذرا فیصلہ تو کریں۔”
یہ بات قابلِ ذکر ہے کہ گزشتہ چند برسوں کے دوران نادیہ خان اپنے جرات مندانہ اور بے باک بیانات کی وجہ سے اکثر خبروں میں رہی ہیں، جہاں وہ ٹی وی شوز میں بھارتی مواد اور پاکستانی ڈراموں پر تنقید کرتی نظر آتی ہیں۔
