گوگل نیوز پر ہمیں فالو کریںپشاور ہائیکورٹ میں تحریکِ انصاف کیلئے بلے کے نشان سے متعلق کیس کی سماعت آج ہوگی جبکہ پی ٹی آئی عام انتخابات 2024 بلے کے انتخابی نشان پر لڑنے کی خواہش مند ہے۔
تفصیلات کے مطابق بلے کے نشان کی قانونی جنگ جاری ہے، تحریکِ انصاف کی درخواست پر پشاور ہائیکورٹ کے جسٹس اعجاز انور اور جسٹس ارشد علی پر مشتمل ڈویژن بینچ کے تحت آج سماعت ہوگی۔
[visual-link-preview encoded=”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”]
قبل ازیں جسٹس کامران حیات کیس کو ڈویژن بینچ کے سامنے رکھنے کا حکم دے چکے ہیں۔ سنگل بینچ پہلے ہی الیکشن کمیشن کا فیصلہ معطل کرکے بلے کا نشان تحریکِ انصاف کو واپس دے چکا تھا، تاہم حکمِ امتناع واپس لے لیا گیا۔
حکمِ امتناع الیکشن کمیشن کی جانب سے کیس پر نظرِثانی کی درخواست آنے پر واپس لیا گیا، جس کے نتیجے میں تحریکِ انصاف انتخابات سے قبل دوسری بار بلے کے نشان سے محروم ہوگئی، سپریم کورٹ میں بھی درخواست دائر کردی گئی۔
سپریم کورٹ تحریکِ انصاف کی درخواست کو کل سماعت کیلئے مقرر کرچکی ہے۔ ملک کی سیاست میں تحریک انصاف کے انتخابی نشان پر بحث شدت اختیار کرگئی جبکہ بلے کے نشان پر الیکشن کمیشن، ہائیکورٹ اور سپریم کورٹ جیسے ادارے ایکشن میں ہیں۔
