گوگل نیوز پر ہمیں فالو کریںممبئی: مقبول بھارتی ریئلٹی شو بگ باس 19 کے اختتام کے حوالے سے شائقین میں تجسس بڑھتا جا رہا ہے تاہم تاحال شو کے منتظمین کی جانب سے باضابطہ اعلان نہیں کیا گیا۔
مختلف ذرائع کے مطابق بگ باس 19 کا گرینڈ فائنل 7 دسمبر 2025 کو منعقد کیے جانے کا امکان ظاہر کیا جا رہا ہے۔
رپورٹس کے مطابق شو کے پروڈیوسرز دو ہفتوں کی توسیع پر غور کر رہے ہیں جس کے نتیجے میں فائنل دسمبر کے دوسرے نصف میں منتقل ہو سکتا ہے۔ یہ فیصلہ شو کی ریٹنگز اور ناظرین کے ردعمل پر منحصر ہے۔
Bigg Boss 19 Grand Finale date is reportedly locked! Salman Khan’s hit reality show is set to end in December 2025, but will it get a surprise extension?#BiggBoss19 #finale #bollywood #koimoi https://t.co/MitVnKIvJY
— Koimoi.com (@Koimoi) October 27, 2025
اس سیزن کا تھیم گھر والوں کی سرکار رکھا گیا ہے جس نے غیر متوقع موڑ اور جھگڑوں کے ذریعے شائقین کی دلچسپی برقرار رکھی ہے۔
ٹی وی ریٹنگ پوائنٹس میں مسلسل اضافے نے اسے رواں سال کے کامیاب ترین شوز میں شامل کر دیا ہے۔
ذرائع کے مطابق اگر سیزن میں توسیع کی گئی تو نئے وائلڈ کارڈ امیدوار کو بھی متعارف کرایا جا سکتا ہے تاکہ فائنل سے قبل نیا جوش اور مقابلے کی فضا پیدا کی جا سکے۔
دوسری جانب شائقین شو کے نشریاتی چینل سے سرکاری اعلان کے منتظر ہیں کہ آیا فائنل 7 دسمبر کو نشر ہوگا یا تاریخ میں تبدیلی کی جائے گی۔
ممکنہ توسیع کا مطلب یہ ہوگا کہ مقابلے میں شریک افراد کو مزید وقت ملے گا جبکہ ناظرین کے لیے بھی زیادہ سنسنی خیز مناظر اور ڈرامائی موڑ دیکھنے کا موقع ملے گا۔
