گوگل نیوز پر ہمیں فالو کریںلاہور میں ایم او کالج کے قریب ایک دل دہلا دینے والا حادثہ پیش آیا جہاں بوتلوں سے بھرے ٹرک نے ایک رکشے کو کچل دیا جس کے نتیجے میں 2 خواتین سمیت 4 افراد جاں بحق جبکہ 2 افراد شدید زخمی ہوگئے جنہیں فوری طور پر طبی امداد کے لیے اسپتال منتقل کردیا گیا ہے۔
جاں بحق ہونے والوں میں 67 سالہ شفیق، ان کی 60 سالہ اہلیہ شبانہ، 35 سالہ بیٹا ساجد اور 32 سالہ بہو اقراء شامل ہیں۔ حادثے کے وقت رکشے میں کل 8 افراد سوار تھے جن میں سے 2 معجزاتی طور پر بچ گئے جبکہ 2 شدید زخمی ہوئے۔
دہشت اور المناک منظر کے بعد بھی کچھ افراد نے لاشیں پڑی چھوڑ کر سڑک پر بکھری بوتلوں کے کریٹس لوٹنا شروع کر دیئے جس نے معاشرتی بے حسی کی تصویر پیش کی۔
بےحسی کی انتہا دیکھیں، لاہور میں بوتلوں سے بھرا ٹرک رکشے پر الٹ گیا، 4 لوگ جاں بحق ہو گئے، لاشیں وہیں سڑک پر پڑی تھیں، بجائے انہیں اٹھانے کے لوگوں نے گری ہوئی بوتلوں کے کریٹ اٹھانا شروع کر دیئے، پتہ نہیں ہم قوم کب بنیں گے۔۔!! pic.twitter.com/DuQTQ4KHmY
— Khurram Iqbal (@khurram143) November 3, 2025
سوشل میڈیا صارفین نے اس رویے کو شدید تنقید کا نشانہ بنایا اور کہا کہ یہ قوم اخلاقی طور پر ایک المناک پستی میں گھری ہوئی ہے۔
