گوگل نیوز پر ہمیں فالو کریںسابق صدر اور پیپلزپارٹی کے رہنماء آصف علی زرداری کے حوالے سے مشہور ہے کہ وہ دوستوں کے دوست ہیں اور جس سے ایک بار دوستی کرتے ہیں اس کا ساتھ کبھی نہیں چھوڑتے تاہم حال ہی میں ایک واقعہ نے آصف علی زرداری کی دوستی پر سوالات کھڑے کردیئے جب ان کے دیرینہ دوست احمد مصطفیٰ میمن نے زمین کے تنازعہ پر انہیں یرغمال بنانے کا انکشاف کیا۔
احمد مصطفیٰ میمن نے نہ صرف یہ دعویٰ کیا کہ انہیں یرغمال بنایا گیا ہے بلکہ چیف جسٹس آف پاکستان کو خط بھی لکھا ہےجس میں انہوں نے نوٹس لینے کی اپیل کی، جس کے بعد یہ سوال بھی پیدا ہوگیا ہے کہ آخر احمد مصطفیٰ میمن کون ہیں؟
احمد مصطفیٰ میمن
کراچی کے ممتاز تاجر احمد مصطفیٰ میمن آصف علی زرداری کے پرانے عزیز دوست ہیں، احمد مصطفیٰ میمن کے مطابق وہ اور ان کے والد آصف علی زرداری کے 40 سال پرانے دوست تھے اور وہ ان کے بہت قریبی ساتھی سمجھے جاتے تھے۔
احمد مصطفیٰ میمن کی اپیل
عدالت میں دائر درخواست میں احمد مصطفیٰ میمن نے موقف اختیار کیا ہے کہ میں نے 15 پولیس کو مددکیلئے بلایا لیکن پولیس نہیں آئی۔ اس کے بعد متعلقہ تھانے میں درخواست دی گئی تاہم نہ کوئی مقدمہ درج ہوا اور نہ ہی کوئی درخواست موصول ہوئی۔
اس کے بعد انہوں نے ڈی جی رینجرز سے درخواست کی کہ وہ قبضہ مافیا سے نجات دلائیں اور انہیں اور ان کے خاندان کو پرامن طریقے سے کاروبار کرنے کی اجازت دیں اور مذکورہ قبضہ گروپ کے خلاف قانونی کارروائی کریں۔
مزید پڑھیں:آصف زرداری نے قریبی دوست مصطفیٰ میمن کو 5 ہزار ایکڑ اراضی سے محروم سے کر دیا
