گوگل نیوز پر ہمیں فالو کریں37 سالہ برطانوی اداکار جوناتھن بیلی، جو نیٹ فلکس سیریز “بریجیرٹن” اور آنے والی فلم “وِکِڈ” میں اپنے کرداروں کے لیے مشہور ہیں، کو پیپل میگزین نے 2025 کا “سیکسیسٹ مین الائیو” قرار دیا ہے۔ وہ یہ اعزاز حاصل کرنے والے پہلے کھلے عام ہم جنس پرست (اوپنلی گے) شخص بن گئے ہیں۔
یہ اعلان “دی ٹو نائٹ شو اسٹارنگ جِمی فیلن” میں کیا گیا، جس پر بیلی نے مزاح اور عاجزی کے ساتھ ردِعمل ظاہر کیا۔ انہوں نے میگزین سے کہا “میرے لیے یہ بہت بڑا اعزاز ہے، ظاہر ہے میں بہت خوش اور حیران ہوں اور یہ سب کچھ بے حد غیر حقیقی لگ رہا ہے۔”
بیلی نے مذاق میں بتایا کہ عوامی اعلان سے پہلے یہ راز صرف انہوں نے اپنے کتے “بینسن” کو بتایا تھا، جو میگزین کی فوٹو شوٹ میں بھی شامل ہے۔
جب جمی فیلن نے پوچھا کہ کیا اب لوگ ان کے ساتھ مختلف رویہ اختیار کریں گے؟ تو بیلی نے ہنستے ہوئے کہا: “میں تو یہی امید کرتا ہوں!”
بیلی کا فنی کیریئر طویل اور کامیاب رہا ہے۔ انہوں نے بطورِ چائلڈ ایکٹر رائل شیکسپئیر کمپنی سے کام کا آغاز کیا۔ انہیں بین الاقوامی شہرت نیٹ فلکس کے مقبول پیریڈ ڈرامے “بریجیرٹن” میں لارڈ اینتھونی بریجیرٹن کے کردار سے ملی۔
انہوں نے فلم “وِکِڈ” میں پرنس فیئیرو کا کردار ادا کیا اور وہ اس کے سیکوئل “Wicked: For Good” میں بھی یہی کردار نبھائیں گے، جو نومبر 2025 میں ریلیز ہوگی۔
ان کی ایک اور سیریز، جس میں انہوں نے سینیٹر جوزف مک کارتھی کے ایک خفیہ ہم جنس پرست اسٹافر کا کردار ادا کیا، نے انہیں 2024 کا ایمی ایوارڈ نامزدگی دلائی۔
وہ 2025 کی گرمیوں میں ریلیز ہونے والی ایک بلاک بسٹر فلم میں بھی نظر آئے۔
اداکاری کے علاوہ بیلی اپنی شہرت کو LGBTQ+ کمیونٹی کے لیے مثبت کاموں میں استعمال کرتے ہیں۔ انہوں نے “دی شیم لیس فنڈ” کے نام سے ایک فلاحی ادارہ قائم کیا ہے جو ایل جی بی ٹی کیو تنظیموں کی مالی مدد کرتا ہے۔ بیلی کے مطابق “اس وقت ایل جی بی ٹی سیکٹر شدید دباؤ اور خطرے کا شکار ہے اور مجھے خوشی ہے کہ میں اپنی پہچان کو اچھے مقصد کے لیے استعمال کر رہا ہوں۔”
بیلی کا انتخاب اس اعزاز کی 40ویں سالگرہ کے موقع پر کیا گیا، اور سوشل میڈیا پر مداحوں نے پیپل میگزین کے فیصلے کو خوب سراہا، کئی صارفین نے لکھا کہ “اس بار پیپل نے بالآخر درست انتخاب کیا۔”
مداحوں کے مطابق بیلی کا ہنر، کشش اور سچائی ان تینوں نے انہیں اس نئے دور کے “لیڈنگ مین” کی بہترین علامت بنا دیا ہے۔
