گوگل نیوز پر ہمیں فالو کریںاسٹیٹ بینک آف پاکستان نے اس خبر کی تردید کی ہے جس میں دعویٰ کیا گیا تھا کہ ’عید الفطر 2026 کے لیے نئی کرنسی نوٹ دستیاب نہیں ہوں گے‘۔
پروپاکستانی کے مطابق اسٹیٹ بینک کے ایک نمائندے نے واضح کیا کہ ادارے کی جانب سے نئی کرنسی نوٹ کے حوالے سے کوئی بیان جاری نہیں کیا گیا۔
انہوں نے مزید کہا کہ اگر ایسا کوئی اعلان ہوتا، تو اسے سرکاری پریس ریلیز کے طور پر شائع کیا جاتا، بینک پریس ریلیز کے ذریعے عوام اور مین اسٹریم میڈیا سے رابطہ کرتا ہے۔
نمائندے نے وضاحت کی کہ کوئی بھی گردش کرنے والا پیغام جو اس کے برعکس دعویٰ کرے، اس کی تصدیق صرف اسی صورت میں کی جا سکتی ہے جب یہ براہِ راست اسٹیٹ بینک کی طرف سے جاری ہو۔ بینک غیر سرکاری خطوط یا SMS کے ذریعے اس طرح کے نوٹیفیکیشن نہیں بھیجتا۔
سوشل میڈیا پر وائرل ہونے والے جعلی خط میں کہا گیا تھا کہ نئے نوٹ جاری نہیں ہوں گے، تازہ نوٹ کے لیے SMS سروس کام نہیں کرے گی اور شہریوں کو ڈیجیٹل ادائیگی کے طریقوں پر انحصار کرنا چاہیے۔
