گوگل نیوز پر ہمیں فالو کریںلاہور: اپیلٹ ٹربیونل نے صنم جاوید کو سینیٹ الیکشن لڑنے کی اجازت دینے کا تحریری فیصلہ جاری کر دیا۔
جسٹس شاہد بلال حسن کے تحریر کردہ 11 صفحات پر مشتمل فیصلے کے مطابق صنم جاوید کو سینیٹ انتخابات میں حصہ لینے کی اجازت دی گئی۔
جسٹس شاہد حسن نے فیصلے میں لکھا کہ موجودہ حالات میں کسی کو بنیادی حقوق سے محروم نہیں کیا جا سکتا۔
جج نے لکھا کہ عمر سرفراز چیمہ کے کاغذات نامزدگی اس وقت منظور کیے گئے جب وہ جیل میں تھے۔ انہوں نے مزید کہا کہ کسی کے ساتھ امتیازی سلوک نہیں ہونا چاہیے۔
جسٹس حسن نے لکھا کہ اپیل کنندہ کے شوہر 2023 کے ٹیکس گوشوارے جمع کرانے میں ناکام رہے، انہیں 9 مئی کو گرفتار کیا گیا، ناگزیر حالات کی وجہ سے ٹیکس جمع نہیں کرایا جاسکا۔ جج نے کہا کہ ریٹرننگ افسر کو حالات کو مدنظر رکھنا چاہیے تھا۔
ٹربیونل نے صنم جاوید کو پنجاب سے خواتین کی مخصوص نشستوں پر سینیٹ الیکشن لڑنے کی اجازت دیتے ہوئے ریٹرننگ آفیسر کو اپیل کنندہ کا نام امیدواروں کی فہرست میں شامل کرنے کا حکم دیا۔
یاد رہے کہ پی ٹی آئی کی کارکن صنم جاوید کو عام انتخابات میں حصہ لینے کی اجازت نہیں مل سکی تھی تاہم الیکشن ٹربیونل نے صنم جاوید کو سینیٹ الیکشن میں حصہ لینے کی اجازت دیدی ہے۔
