دہشت کی علامت سمجھے جانے والے انڈر ٹیکر نے ریٹائرمنٹ کا اعلان کردیا

نیو یارک : دہشت کی علامت سمجھے جانے والے انڈر ٹیکر نے ریسلنگ کی دنیا کو خیر باد کہہ دیا ہے ، انہوں نے اپنے پیشہ ورانہ کھیل سے سبکدوشی کا اعلان کرتے ہوئے کہا کہ مجھے اب رنگ میں واپس آنے کی خواہش نہیں رہی ، اس لئے میں ریٹائر ہورہا ہوں۔

واضح رہے کہ ایک وقت تھا کہ جب”ڈیڈ مین“کہلائے جانے والے دی انڈر ٹیکر کی انٹری سے ہی بڑے بڑے پہلوانوں کی حالت خراب ہوجاتی تھی ؟ لیکن گزشتہ پانچ سالوں سے انڈر ٹیکر کے عروج کے سورج کو گرہن لگا ہوا ہے۔

ان کے مداحوں نے بھی اس بات پر غور کیا کہ اب ان کا جسم ان کا ساتھ نہیں دے رہا تھا ، ریسلمنیا 33 میں محض تین سال بعد ایک بار پھر اندر ٹیکر کی صلاحیتوں پر سوال اٹھنے لگے،اس میچ کے بعد انہوں نے اپنے مداحوں کو مایوس دیکھ کر ہی ڈبلیو ڈبلیو ای سے اپنی ریٹائرمنٹ کا عندیہ دیا۔

اپنی ریٹائرمنٹ کے حوالے سے انڈر ٹیکر کا کہنا تھا کہ میرے پاس فتح کرنے کے لئے کچھ نہیں بچا ہے،کھیل بدل گیا ہے۔ نئے لڑکوں کے سامنے آنے کا وقت آگیا ہے۔ مجھے لگتا ہے کہ اب مجھے ریٹائر ہوجانا چاہئے۔