گوگل نیوز پر ہمیں فالو کریںاسلام آباد: پاکستان تحریکِ انصاف کے سینیٹر فیصل جاوید نے تصدیق کی ہے کہ زینب الرٹ بل آج سینیٹ میں منظوری کے لیے پیش کیا جائے گا تاکہ اسے قانونی شکل دی جاسکے۔
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ زینب الرٹ بل کا بہت شدت سے انتظار جاری تھا جو آج سینیٹ میں پیش کیا جائے گا۔
سینیٹر فیصل جاوید نے امید ظاہر کی کہ سینیٹ میں زینب الرٹ بل منظور کر لیا جائے گا اور اسے متفقہ رائے سے منظور کیا جائے گا جو ہونا بھی چاہئے۔
فیصل جاوید خان نے کہا کہ ہم نے صوبائی اسمبلیوں سے بھی درخواست کی ہے کہ یہ عمل وہ بھی دُہرائیں جبکہ زینب الرٹ بل کے عمل کو ہماری اوّلین ترجیح ہونا چاہئے۔
The much waited #ZainabAlertBill will be laid in Senate today. insha'ALLAH it will be passed and it should be passed
unanimously. Have also asked Provincial Assemblies to expedite the process. This should be the top priority.— Faisal Javed Khan (@FaisalJavedKhan) March 4, 2020
یاد رہے کہ اس سے قبل قومی اسمبلی میں زینب الرٹ بل متفقہ طور پر منظور کر لیا گیا۔ بل وفاقی وزیر برائے انسانی حقوق ڈاکٹر شیریں مزاری نے پیش کیا۔
بچوں کے حقوق کے تحفظ اور جرائم کے انسداد کے لیے زینب الرٹ جوابی ردِ عمل و بازیابی ایکٹ 2019ء بل کو اراکینِ قومی اسمبلی نے متفقہ طور پر منظور کر لیا۔
مزید پڑھیں: قومی اسمبلی میں زینب الرٹ بل متفقہ طور پرمنظور
