گوگل نیوز پر ہمیں فالو کریںہماری کائنات میں زمین ہی اب تک دریافت کیا گیا وہ واحد سیارہ ہے جہاں زندگی پائی جاتی ہے اور زندگی کی بنیادی ضروریات میں کھانا، پانی اور سانس بنیادی ضروریات ہیں جبکہ سانس لینے کیلئے جو آکسیجن ضروری ہوتی ہے وہ درخت پیدا نہیں کرتے۔
جی ہاں۔ بنیادی سائنسی علم، خاص طور پر حیاتیات یہ سکھاتی ہے کہ آکسیجن درخت اور پودے پیدا کرتے ہیں، لیکن زمین پر جو آکسیجن موجود ہے جس سے ہم سانس لیتے ہیں، اس کا 50 سے 80فیصد خشکی کے درخت اور پودے نہیں بلکہ سمندری الجی، کائی اور دیگر سمندری پودے پیدا کرتے ہیں، درخت نہیں۔اور یہ وہ پہلی سائنسی حقیقت ہے جو یہاں بیان کی گئی۔
View this post on Instagram
دی گریٹ پلانٹ کی تحقیق کے مطابق دوسری دلچسپ سائنسی حقیقت یہ ہے کہ زمین کی سطح کی سب سے گہری سمندری کھائی جسے ماریانہ ٹرینچ کہا جاتا ہے، اتنی گہری ہے کہ اگر دنیا کی بلند ترین پہاڑی چوٹی ماؤنٹ ایوریسٹ کو اس میں ڈبو دیا جائے تو ماؤنٹ ایوریسٹ ماریانہ ٹرینچ کے پانی میں 2 کلومیٹر تک نیچے ڈوبی ہوئی ملے گی کیونکہ ماؤنٹ ایوریسٹ کی اونچائی تقریباً 8ہزار848 میٹر جبکہ ماریانہ ٹرینچ کی گہرائی تقریباً 11 ہزار میٹر ہے۔
View this post on Instagram
تیسری سائنسی حقیقت یہ ہے کہ نظامِ شمسی میں سورج کو سب سے زیادہ گرم سمجھا جاتا ہے، جس کی سطح کا درجہ حرارت 6ہزار ڈگری سینٹی گریڈ ہوتا ہے، حالانکہ زمین کے مرکز میں موجود سب سے زیادہ گہرائی میں پائی جانے والی پرت کا درجہ حرارت بھی 10ہزار800فارن ہائٹ یعنی 6ہزار ڈگری کے لگ بھگ ہی رہتا ہے۔
View this post on Instagram
چوتھی سائنسی حقیقت یہ ہے کہ ایک اوسط درجے کا روئی جیسا نظر آنے والا سفید بادل جسے ہم آسمان پر بہت دھیمی رفتار سے لیکن بڑی آسانی سے اڑتا اور ایک جگہ سے دوسری جگہ جاتا ہوا دیکھتے ہیں، اس کا وزن کم و بیش 11لاکھ پاؤنڈ ہوتا ہے جو 100 ہاتھیوں کے وزن کے برابر قرار دیا جاسکتا ہے۔
View this post on Instagram
پانچویں سائنسی حقیقت یہ ہے کہ دنیا کی سب سے بڑی آبشار آبنائے ڈنمارک میں زیر زمین موجود ہے جہاں ٹھنڈا پانی گرم پانی سے بالکل الگ لیکن اسی پانی سے ساڑھے تین کلومیٹر نیچے پایا جاتا ہے۔
View this post on Instagram
چھٹی سائنسی حقیقت یہ ہے کہ دنیا کے دو براعظم بشمول افریقہ اور جنوبی امریکا ایک دوسرے سے بہت دھیمی رفتار کے ساتھ دور جارہے ہیں جس کی رفتار تقریباً اتنی ہی ہے جتنی رفتار سے ایک انسان کے ناخن بڑھتے ہیں اور اس رفتار سے یہ براعظم ایک سال میں ایک دوسرے سے صرف 2.5سینٹی میٹر ہی دور جاسکتے ہیں۔
View this post on Instagram
ساتویں سائنسی حقیقت یہ ہے کہ دنیا کے سرد ترین اور برف سے ڈھکے ہوئے براعظم کہلانے والے انٹارکٹیکا کے کچھ حصے ایسے بھی ہیں جہاں گزشتہ 20 لاکھ سال سے برف تو کیا، بارش تک کا گزر نہیں ہوسکا اور یہ زمین کا خشک ترین خطہ کہلاتے ہیں۔
View this post on Instagram
آٹھویں سائنسی حقیقت یہ ہے کہ زمین کا سب سے طویل جاندار ہاتھی، وہیل یا کوئی اور سمندری جانور نہیں بلکہ آرمیلیریا آسٹوئے نامی ایک فنگس ہے جو زیر زمین طوالت کے اعتبار سے کئی کلومیٹرز تک پھیل سکتا ہے۔
نویں سائنسی حقیقت یہ ہے کہ زمین پر آسمانی بجلی کا چمکنا ایک ایسا فطری مظہر ہے جو ہر ایک سیکنڈ میں تقریباً 100 بار واقع ہوتا ہے لیکن زیادہ تر یہ آسمانی بجلی بادلوں کے مابین ہی چمک کر ختم ہوجاتی ہے اور اسے انسانی آنکھ باہر نہ آنے کے باعث دیکھ نہیں سکتی۔
View this post on Instagram
دسویں سائنسی حقیقت یہ ہے کہ خلا مکمل طور پر خاموش نہیں ہوتا بلکہ وہاں انتہائی کم درجے کی توانائی اور شعاعیں موجود ہوتی ہیں۔ البتہ چونکہ آواز کے سفر کے لیے ہوا یا کوئی مادہ درکار ہوتا ہے، اور خلا میں یہ موجود نہیں، اس لیے انسانی کان خلا میں کسی آواز کو سن نہیں سکتے۔
