گوگل نیوز پر ہمیں فالو کریںدوسرے ایک روزہ میچ میں زمبابوے نے ٹاس جیت کر پہلے بیٹنگ کا فیصلہ کرتے ہوئے پاکستان کے خلاف ابتدائی اوورز میں زیادہ تر وکٹیں محفوظ رکھتے ہوئے ایک مضبوط اسکور بنایا ہے، جس نے دونوں ممالک کے کرکٹ شائقین کے لیے میچ کو مزید دلچسپ بنا دیا ہے۔
گرین شرٹس زمبابوے کے خلاف پہلا میچ ہارنے کے بعداس میچ کو ہر قیمت پر جیتنے کے لیے پُرعزم ہیں تاکہ تین میچوں کی ون ڈے سیریز میں اپنی امیدیں زندہ رکھ سکیں۔ زمبابوے نے ابتدائی 12 اوورز میں پاکستان کے خلاف 50 سے زائد رنز بنائے۔
زمبابوے کو پہلا نقصان اس وقت ہوا جب اوپنر تادیواناشے مارومانی کو طیب طاہر نے رن آؤٹ کیا۔ انہوں نے صرف 2 گیندوں پر 4 رنز بنائے۔ دوسرے اوپنر، جائی لارڈ گمبی، بھی جلد آؤٹ ہو گئے۔
گمبی نے 14 گیندوں پر صرف 5 رنز بنائے اور ابرار احمد کی شاندار گیند پر کلین بولڈ ہو گئے، جس سے زمبابوے کا اسکور 23 رنز تک پہنچا۔ اس کے بعد زمبابوے کے بلے بازوں نے زیادہ محتاط کھیل پیش کیا اور ذمہ داری سے بیٹنگ شروع کی لیکن زمبابوے نے 61 کے مجموعی اسکور پر اپنی تیسری وکٹ بھی گنوا دی۔
سلمان علی آغا نے ڈیو مائرز کو ایل بی ڈبلیو آؤٹ کیا، جنہوں نے 30 گیندوں پر 33 رنز بنائے جن میں 6 چوکے شامل تھے۔ چوتھی وکٹ کپتان کریگ ایرون کی گری، جو سلمان علی آغا کی بہترین گیند پر محمد رضوان کے ہاتھوں کیچ آؤٹ ہو گئے۔
کریگ ایرون نے اپنی اننگز میں 35 گیندوں پر 18 رنز بنائے، جس میں ایک چوکا شامل تھا۔ موجودہ میچ کی صورتحال دلچسپ ہے زمبابوے نے 15 اوورز کے اختتام پر 4 وکٹوں کے نقصان پر 68 رنز بنا لیے ہیں۔
