گوگل نیوز پر ہمیں فالو کریںکراچی: تیز رفتار کار نے سگنل توڑ کر تین بچوں کو ٹکر ماری اور ڈرائیور موقع سے فرار ہوگیا، پولیس نے موقع پر پہنچ کر بچوں کو اسپتال منتقل کردیا۔
ڈیفنس کے خیابان شجاعت اور خیابان شہباز کے سنگم پر کار سوار تین بچوں کو روند کر فرار ہوگیا۔ کار کی ٹکر سے بچے کئی گز دور جاگرے۔
بچے موٹر مکینک کی دکان پر کام کرتے تھے، جو چھٹی مل جانے کے بعد ایک موٹر سائیکل پر سوار اپنے گھر قیوم آباد جارہے تھے۔
مخالف سمت سے سگنل توڑ کر آتی تیز رفتار کار نے زور دار ٹکر ماری۔ کار سوار نے بچوں کو روندنے کے بعد کار کو ریورس لیا اور جگہ بنا کر موقع سے بھاگ نکلا۔ اطلاع ملنے پولیس موقع پر پہنچی اور بچوں کو اٹھا کر اسپتال لے گئی۔
مزید پڑھیں:کراچی کے مختلف علاقوں میں گرج چمک کے ساتھ بارش
