گوگل نیوز پر ہمیں فالو کریںکراچی میں ایک دل دہلا دینے والے واقعے میں 3 سالہ بچی کو مبینہ طور پر اغوا اور زیادتی کے بعد قتل کر دیا گیا۔
ریسکیو حکام کے مطابق امینہ عبدالباسط کی لاش ایف بی ایریا بلاک 11 کی گلی سے ملی۔پولیس نے اطلاع دی کہ بچی صبح اپنے بہن بھائیوں کے ساتھ اسکول گئی تھی۔ بعد میں وہ صبح 7:30 بجے اپنی رہائش گاہ سے تھوڑی دور مردہ پائی گئیں۔
سینئر سپرنٹنڈنٹ آف پولیس سینٹرل ذیشان صدیقی نے ابتدائی تحقیقات کا حوالہ دیتے ہوئے کہا کہ بچی کو گلا دبا کر قتل کیا گیا۔
انہوں نے مزید کہا کہ بدقسمتی سے، علاقے میں سی سی ٹی وی کیمروں کی عدم موجودگی تحقیقات میں رکاوٹ ہے۔
ایس ایس پی نے یقین دلایا کہ پولیس اس گھناؤنے جرم میں ملوث مجرم کی گرفتاری کے لیے متبادل راستے تلاش کر رہی ہے۔
آمنہ چھ بہن بھائیوں میں سب سے چھوٹی تھیں اور ان کے والد اس وقت عمرہ ادا کرنے سعودی عرب میں ہیں۔
پولیس نے تصدیق کی ہے کہ پوسٹ مارٹم سے زیادتی اور گلا دبانے کے شواہد سامنے آئے ہیں۔
پولیس کے اعلیٰ عہدیدار نے اس عزم کا اظہار کیا کہ ہم مجرم کو انصاف کے کٹہرے میں لانے میں کوئی کسر نہیں چھوڑیں گے۔
